TUMAN TIBBIYoTI RAQAMLAR KOʻZGUSIDA

Tumanimiz aholisiga bitta koʻp tarmoqli markaziy poliklinika, 7 ta qishloq oilaviy poliklinikalari, 2 ta qishloq vrachlik punkti orqali patronaj tibbiy xizmat koʻrsatiladi.

***

2018-yilning 9 oyi davomida qishloq oilaviy poliklinikalari, qishloq vrachlik punktlariga qatnovlar soni 389 ming 820 ta boʻlib, aholi jon boshiga 3,1 dan toʻgʻri keladi. Buning 275 ming 512 tasi profilaktik koʻrikka qatnov hisoblanadi.

***

Tumanimiz aholisini chuqurlashtirilgan tibbiy koʻrikdan oʻtkazish reja asosida olib borilayapti. Joriy yilning oʻtgan toʻqqiz oyida 122 ming 629 nafar (99.2 foiz) aholi tibbiy koʻrikdan oʻtkazildi va 36.3 foizida turli kasalliklar aniqlanib, 397 ming 46 nafari ambulator, 4 ming 806 nafari statsionar sharoitda, 61 nafari sanatoriylarda sogʻlomlashtirildi.

***

Ayni kunda tuman tibbiyot birlashmasida 297 nafar shifokorlar, 1150 nafar oʻrta tibbiyot xodimlari faoliyat koʻrsatishmoqda.

Joriy yilning shu kunigacha 55 nafar shifokorlar, 161 nafar oʻrta tibbiyot xodimlari oʻzlarining kasbiy mahoratini oshirish va zamonaviy tibbiyot yutuqlarini oʻrganish uchun malaka oshirish kurslarida oʻqib keldilar.

***

Tumanimiz aholisiga 379-oʻrinli tuman markaziy shifoxonasi, 36-oʻrinli xoʻjalik hisobidagi pullik reabilitatsiya boʻlimi statsionar tibbiy xizmat koʻrsatmoqda. Oʻtgan toʻqqiz oy mobaynida 19 ming 701 nafar bemor statsionar sharoitda davolanib, sogʻligʻini tikladi, 1 ming 631 ta jarrohlik amaliyoti oʻtkazilgan. Statsionar sharoitda bemorlarni davolash muolajalari davolash standartlari asosida olib borilmoqda.

***

Sogʻliqni saqlash tizimida xususiy sektorni rivojlantirishga alohida eʼtibor berilmoqda. Natijada tumanimizda xususiy tibbiyot muassasalari soni 5 tadan 9 taga koʻpaydi. Shuningdek, 13 ta xususiy dorixonalar, ularning 24 ta shoxobchalari faoliyat yuritmoqda.

***

2018-yil mobaynida “Tez tibbiy yordam” boʻlimi 14 ta brigadalariga aholidan 29 ming 505 ta chaqiruvlar boʻlgan va 29 ming 249 nafar bemorlarga tez tibbiy yordam koʻrsatilgan. Boʻlim eng zarur 41 turdagi preparatlar bilan taʼminlangan.

***

Joriy yilda tumanda Investitsiya dasturiga muvofiq, tuman tibbiyot birlashmasiga qarashli 3- va 6-sonli qishloq oilaviy poliklinikalarida joriy taʼmirlash ishlari olib borildi, 7-sonli oilaviy poliklinikada esa qurilish ishlari davom ettirilmoqda.

***

Shifokorlar tomonidan maktablar, kollejlar, korxona va tashkilotlarda oʻtkazilayotgan turli profilaktik tadbirlarda sogʻlom va uzoq yashash qoidalari keng targʻib qilinmoqda, har bir shaxsning oʻz sogʻligi uchun eng avvalo oʻzi masʼul ekanligi, salomatlik – eng ulkan boylik ekanligi tushuntirilmoqda.