“Xotin-qizlar sport haftaligi” oʻtkazilmoqda
Oʻzbekiston Respublikasi Prezidenti huzurida 2018-yilning 20-sentyabr kuni boʻlib oʻtgan “Jismoniy tarbiya va sport sohasini yanada rivojlantirish boʻyicha istiqboldagi vazifalar toʻgʻrisida”gi majlis bayoni ijrosini taʼminlash maqsadida, Jismoniy tarbiya va sport vazirligi tomonidan ishlab chiqilgan reja asosida 2019-yildan boshlab har oyning bir haftasi “Xotin-qizlar sport haftaligi” qilib belgilangan. Oʻzbekiston Xotin-qizlar qoʻmitasi tashabbusi bilan esa haftaning seshanba kuni “Xotin-qizlar sporti kuni” deb eʼlon qilingan.
Kalendar rejaga muvofiq tumanimizda ham mazkur haftada “Xotin-qizlar sport haftaligi” tashkil qilindi. Haftalik doirasida seshanba kuni oʻtkazilgan sport tadbirlarida esa faol boʻlmagan qizlar, uy bekalari va katta yoshdagi ayollarni ishtirok etishdi.
Sport haftaligi tadbirlari har kuni ertalabki badantarbiya mashqlari bilan boshlandi. Haftalik doirasida dushanba kuni sportning arqon tortish va yugurish, seshanba kuni gimnastrada, chorshanba kuni shaxmat va shashka, juma kuni stol tennisi kabi turlari boʻyicha musobaqalar tashkil qilindi. Payshanba kuni esa “Quvnoq startlar” musobaqalari oʻtkazildi.
15-fevral kuni 16-sonli umutaʼlim maktabida oʻtkazilgan faol boʻlmagan qizlar, uy bekalari oʻrtasidagi stol tennisi musobaqalari ham ancha qizgʻin tus oldi. Unda ishtirok etgan ayollar nafaqat jismoniy faolliklarini oshirdi, balki sportning ushbu turi boʻyicha dastlabki bilim va koʻnikmalarga ham ega boʻlishdi.
Mashgʻulotlarda nafaqat umumtaʼlim maktabi, kasb hunar kollejlari oʻquvchi qizlari, balki, uy bekalari va katta yoshdagi ayollarning ham ishtirok etgani tadbirlar qamrovini yanada oshirdi.
Haftalik davomida oʻtkazilgan tadbirlarda jami 300 nafardan ortiq ayol-qizlar sportning bir necha turlari bilan shugʻullandi. Oʻtkazilgan musobaqalar gʻoliblari tuman Xotin-qizlar qoʻmitasining diplom va esdalik sovgʻgʻalari bilan taqdirlandi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
