Qishloq xoʻjaligi sohasi ilgʻorlari taqdirlandi

8-dekabr kuni Nukus shahrida qishloq xoʻjaligi xodimlari kuni munosabati bilan “Hosil bayrami” tadbiri oʻtkazildi.

“Hosil bayrami” tadbirida Amudaryo tumanining bir qancha qishloq xoʻjaligi xodimlari ham turli mukofotlar bilan taqdirlandilar.

Tumandagi “Rajapov Omonboy” fermer xoʻjaligi raisi Omonboy Rajapovga “Ilgʻor fermer”, tomorqachi Erkinboy Qoʻshayevga “Namunali tomorqachi” koʻkrak nishonlari topshirildi.

Shuningdek, qishloq xoʻjaligi sohasida koʻp yillardan buyon mehnat qilayotgan “Ermonov Oʻrozboy” fermer xoʻjaligi rahbari Gulimbat Ahmedov, “Rajapov Omonboy” fermer xoʻjaligi rahbari Omonboy Rajapov, “Usta Allayor” fermer xoʻjaligi rahbari Rajab Sultanov, “Sardor suvchi” fermer xoʻjaligi rahbari Oʻrinboy Matyoqubov va “Yalgʻash Abduxoliqov” fermer xoʻjaligi rahbari Yalgʻash Abduxaliqovlarga Qoraqalpogʻiston Respublikasi Vazirlar Kengashining tashakkurnoma va qimmatbaho sovgʻalari topshirildi.

Bayram tadbirida “Ram Haytimbat” fermer xoʻjaligi rahbari Rustam Raximov, “Oʻrazbayev Allambergan” fermer xoʻjaligi rahbari “Shakir Oʻrazbayev”, “Gulnoza Nazokat” fermer xoʻjaligi rahbari Murod Iskandarov, “Jumaniyazov Arzimbat” fermer xoʻjaligi rahbari Otabek Jumaniyazov, “Tadjibayev Rustam” fermer xoʻjaligi rahbari Rustam Tadjibayevlar Qoraqalpogʻiston fermer, dehqon xoʻjaliklari va tomorqa yer egalari Kengashi tomondan tashakkurnoma va qimmatbaho sovgʻalar bilan taqdirlandilar.

* * *

Amudaryo tumanida qishloq xoʻjaligi xodimlari kuni munosabati bilan oʻtkazilgan bayram tadbirida ham qishloq xoʻjaligi sohasidagi koʻp yillik fidokorona mehnatlari, barcha turdagi qishloq xoʻjaligi ekinlaridan moʻl hosil yetishtirib, xalqimiz farovonligini, yurtimizning iqtisodiy qudratini va oziq-ovqat xavfsizligini taʼminlash ishlariga qoʻshgan  munosib hissalari va yerlarning meliorativ holatini yaxshilash, ilgʻor agrotexnologiyalarni amaliyotga joriy etish borasidagi xizmatlari uchun qishloq xoʻjaligi xodimlaridan bir guruhiga Amudaryo tuman fermer, dehqon xoʻjaliklari va tomorqa yer egalari Kengashining mukofotlari topshirildi.

“Aytboy Otaxon” fermer xoʻjaligi rahbari Aytbayev Matnazar, “Kamalov Ikrom” fermer xoʻjaligi rahbari Ikrom Kamalov “Shukurullo bobo Akbar” fermer xoʻjaligi rahbari Maxsud Shukurullayev, “Ahmedov Rajabboy” fermer xoʻjaligi rahbari Rufat Axmedov, “Serikbayev Soliy” fermer xoʻjaligi rahbari Soliy Serikbayev, “Oʻrazbayev Allambergan” fermer xoʻjaligi rahbari Shakir Oʻrazbayev, “Norimov Sherzod” dehqon xoʻjaligi rahbari Ahmad Norimov, “Qutim qoshiqchi” dehqon xoʻjaligi rahbari Otaxon Toʻrayev, tomorqa yer egalaridan Botir Arabov va Nizomaddin Qulimbetovlar Amudaryo tumani fermer, dehqon xoʻjaliklari va tomorqa yer egalari Kengashining tashakkurnomalari va qimmatbaho sovgʻalari bilan taqdirlandilar.

Ushbu mukofotlar fermer va dehqon xoʻjaligi rahbarlarini hamda tomorqa yer egalarini yanada yangi zafarlar sari ruhlantirmoqda.

A.JUMANIYoZOV.