FARZANDINGIZNI VIRUSLI GEPATIT “A” KASALLIGIGA QARShI EMLATDINGIZMI?
Aholi orasida “sariq kasalligi” nomi bilan yuritiladigan virusli gepatit “A” kasalligi jigarning jarohatlanishi bilan kechadigan yuqumli kasallikdir.
Kasallik asosan kasallikka chalingan bemorlardan, qoʻllarni sovunlab yuvmaganda, meva-sabzavotlarni yuvmasdan isteʼmol qilganda, suvni qaynatmay ichganda, isteʼmolga tayyor oziq-ovqat maxsulotlarga pashshalarning oʻtirishi oqibatida yuqadi.
Kasallikning oldini olishda eng samarali himoya vositasi bu – emlashdir. Koʻpchilikda: “gepatit A ga qarshi emlash majburiymi ?” degan savol tugʻilishi mumkin. Shuni aytib oʻtishimiz mumkinki, bunga majburlovchi qarorning oʻzi yoʻq. Lekin gepatit “A”ga qarshi emlash juda muhim. Chunki gepatit “A” jigar toʻqimalarining jarohatlanishi bilan bogʻliq kasallikdir.
Shu bois, sariq kasalligiga chalingan bolalarda uzoq muddat jismoniy harakatdan cheklanish, parhezga rioya qilish, jigar faoliyatini qayta tiklash uchun koʻplab dori vositalarini qabul qilish, bemor toʻliq tuzalguncha alohida eʼtibor hamda parvarish talab etiladi. Natijada, oila aʼzolari bundan moddiy va maʼnaviy zarar koʻradi. Ana shunday holatlarning yuzaga kelishining oldini olish maqsadida birinchi galda sogʻlom turmush tarziga amal qilish, shaxsiy gigiyena vositalaridan madaniyatli tarzda foydalanish juda muhim.
Shuni alohida aytib oʻtish kerakki, bogʻcha yoshidagi bolalar va 1-sinfga qabul qilinayotgan bolalar gepatit “A” kasalligiga qarshi toʻliq emlashdan oʻtkazilishi va qabul jarayonida esa har ehtimolga qarshi emlangan bolani qabul qilish tavsiya etiladi.
Nargiza Sobirova, tuman Sanitariya epidemiologiya osoyishtalik markazi immunolog shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
