Haqiqiy ijodkor jamoa
Bugun biz oʻz oldimizga maqsad qilib qoʻygan demokratik davlat qurish hamda kuchli fuqarolik jamiyatini barpo etishda matbuot va ommaviy axborot vositalarining oʻrni ulkan.
Shu boisdan istiqlol yillarida Prezidentimiz I.Karimov rahnamoligida ommaviy axborot vositalarini qoʻllab-quvvatlash, sohaga bozor munosabatlarini tatbiq etish boʻyicha islohotlar izchil amalga oshirilmoqda. Natijada bugungi jurnalistlar jamiyatda roʻy berayotgan voqeliklarni yorituvchigina emas, balki inson manfaatlari himoyasini taʼminlashga xizmat qiluvchi, oʻz ijodi bilan xalqimizning tafakkurini boyituvchi, hayotdan bir qadam oldinda yurib, taraqqiyotimiz yoʻliga gʻov boʻlayotgan illat va nuqsonlarni boshqalardan avvalroq anglab, unga qarshi jamoatchilik fikrini uygʻotuvchi, yosh avlodning tezkor, shiddatli zamonamizga loyiq farzandlar boʻlib voyagayetishlariga hissa qoʻshuvchi fidoyilarga aylanib ulgurdi. Bu taʼrifimiz "Taraqqiyot koʻzgusi” gazetasi ijodkorlarigatoʻla mos keladi. Ularning milliy istiqlol gʻoyalarini keng targʻib qilishdagi, ommani mustaqillikni mustahkamlash, tinchlik-osoyishtalik barqaror boʻlmogʻi uchun kurashga daʼvat etuvchi tarbiyaviy ahamiyati yuksak, yetuk maqolalari, turmush tarzimizga yot boʻlgan illatlarga qarshi kurash bilan bir qatorda amalga oshirilayotgan ulkan bunyodkorliklarni oʻz vaqtida holis va haqqoniy yoritib, aholini bulardan keng xabardor qilmoqda. Yillar osha maʼnaviy-maʼrifiy targʻibotchi vazifasini ado etib kelgan Amudaryo tumani matbuoti 80 yoshga toʻldi.
Qoraqalpogʻiston Matbuot va axborot agentligida roʻyxatda turgan nashrlar ichida "Taraqqiyot koʻzgusi” gazetasida yoritilayotgan maqolalarning dolzarbligi, badiiy yetukligi va janr xususiyati jihatidan ham boshqanashrlardan alohida ajralib turadi. Avvalo shuni taʼkidlashim lozimki, gazeta Qoraqalpogʻistonda eng koʻp obunachiga ega, oʻz-oʻzini mablagʻ bilan taʼminlab, foyda koʻrib ishlayotgan sanoqli tuman gazetalaridan biridir. Gazeta ijodkorlari
www.amunews.uz veb-saytini mustaqil ommaviy axborot vositasi sifatida roʻyxatdan oʻtkazib, Qoraqalpogʻistonda ilk bor internet jurnalistikaga asos soldilar.
Agentligimizda roʻyxatga olingan, "Taraqqiyot koʻzgusi”ning ilovasi "Mening oilam”ning dunyoga kelishi tahririyat xodimlarining haqiqiy ijodkorliklarining namunasidir.
Biz ommaviy axborot vositalarida faoliyat koʻrsatayotgan jurnalistlarning oʻz ustlarida ijodiy ishlashlariga gʻamxoʻrlik qilib, izlanishlarini, rejalarini qoʻllab-quvvatlab, ragʻbatlantirib kelayotgan tuman hokimi R.Yoʻldoshevdan cheksiz minnatdormiz.
Tuman matbuotining 80 yilligi munosabati bilan "Mustaqillikni mustahkamlash va milliy istiqlol gʻoyalarini keng targʻib qilishda "Taraqqiyot koʻzgusi” gazetasining oʻrni va ahamiyati mavzusida targʻibot oyligi oʻtkazish toʻgʻrisida” tuman hokimining qaror qabul qilib, oylikni oʻtkazishga doir ishchi guruh tayinlagani, qarorga doir jurnalistlarning gazetxonlar bilan jonli muloqotlari uyushtirilayotganligi ham Qoraqalpogʻiston matbuoti uchun yangilik – ommalashtirishga arzigulik yangilik.
Bu tadbirlar gazetaning gazetxonlar bilan aloqasi, doʻstligi yanada mustahkamlanishiga asos boʻlishi shubhasiz.
Biz "Taraqqiyot koʻzgusi” gazetasi ijodiy jamoasini mehnatda erishayotgan ana shunday ulkan yutuqlari, gazetaning 80 yilligi bilan qizgʻin tabriklab, yangi-yangi ijodiy yuksalishlar tilab qolamiz.
Faraxat PALIMOV,
QoraqalpogʻistonRespublikasi Matbuot va axborot agentligi direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
