Манғитда ёпиқ сузиш сув ҳавзаси бунёд этилмоқда
Соғлом инсон ҳаётда ўзлигини тўла намоён эта олади. Интеллектуал салоҳиятини ошириш учун ҳаракатда бўлади. Бунда албатта ҳар кимнинг болаликдан жисмоний чиниқиши, куч-қувватли бўлиши муҳим рол ўйнайди.
Кейинги йилларда мамлакатимизда спорт-соғломлаштириш иншоотларининг қурилиб, фойдаланишга топширилаётгани ва аҳолининг, айниқса, ёшларнинг ўзлари қизиққан спорт турлари билан мунтазам шуғулланишлари учун имкониятлар яратилаётгани ҳам бежиз эмас.
Манғит шаҳрининг “Баркамол авлод” кўчаси Марказий ўйингоҳ кираверишида бунёд этилаётган 25х11 метрлик ўлчамдаги ёпиқ сузиш сув ҳавзаси ҳам келажакда ёшларнинг, барча ёшдаги кишиларнинг жисмоний чиниқишлари, сузиш спортининг юксалишига хизмат қилади, албатта.
Жорий йилнинг июль ойида бошланган иншоот қурилишини “Сув қурилиши бошқармаси” масъулияти чекланган жамияти қурувчилари амалга оширишаяпти.
Умумий қиймати 4 миллиард 940 миллион 50 минг сўмлик ёпиқ сузиш сув ҳавзаси биносида айни кунларда бетон қуйиш, ғишт териш ва сувоқ қилиш ишларида 52 нафар ишчи меҳнат қилмоқда. Уста, қурувчилар бригадаси бошлиғи Анвар Бекишев, ишчи Идрис Сарсеновлар ишнинг сифатли ва ўз муддатида адо этилишида фидойилик кўрсатишаяпти.
– Туманимизда илк ёпиқ сузиш сув ҳавзасини қураётганимиздан жуда қувончдамиз. Энди иншоот ишга туширилиши билан туманимизда сузиш спортини ривожлантириш учун ҳам шароит яратилади, – дейди “Сув қурилиши бошқармаси” масъулияти чекланган жамияти бош прораби Расул Аҳмедов.
Ҳа, жорий йилда фойдаланишга топширилиши режалаштирилган бу иншоот халқимиз ҳаётида ўзига хос янгилик бўлади ва туманимиз спорт шарафи юксалишига хизмат қилади.
Ойгул Ражабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
