Мувофиқлаштирувчи кенгаш йиғилиши

2014 йил 8 январь куни туманимиз муҳофаза қилувчи органларининг 2013 йил якунлари бўйича мувофиқлаштирувчи кенгаши йиғилиши бўлиб ўтди.

Йиғилишда маҳалла оқсоқоллари, маслаҳатчилари, халқ таълими муассасалари вакиллари, ҳуқуқни муҳофаза қилувчи органларининг ишчи ва хизматчи ходимлари, жамоат ташкилотлари вакиллари иштирок этдилар.

Йиғилишни туман прокурори, адлия маслаҳатчиси Фарҳод Олломбергенов кириш нутқи сўзлаб очди ва олиб борди. Кун тартибида 2014 йилда жиноятчиликни камайтириш асосий масалалар сифатида кўрилди. Ф.Олломбергенов 2013 йилнинг 12 ойи мобайнида туманда жиноятчиликка қарши кураш ҳамда қонунийликни мустаҳкамлаш борасида туманда ҳуқуқни мустаҳкамлаш борасида туманда ҳуқуқни муҳофаза қилувчи идоралар томонидан ўзаро ҳамкорликда муайян ишлар амалга оширилганлигини, айтиб ўтди.

Шунингдек, у бу ишларни амалга оширишда Президентимиз фармонлари, ҳукумат қарорлари ва ҳаракатдаги қонунлар ижрочи, Ўзбекистон Республикаси Бош прокурорнинг бўйруқ ва кўрсатмаларининг ижросини таъминлашга алоҳида эътибор қаратилганини, таъкидлади. Йилишда туман прокурори ёрдамчиси Р.Холмуродов сўзга чиқиб, ўтган 2013 йил мобайнида қонунийликни мустаҳкамлаш, жиноятчиликка қарши курашиш ҳамда ҳуқуқбузарликнинг олдини олиш борасида бир қанча ишлар амалга оширилганлигини, натижада аксарият соҳалардаги кўрсаткичлар ўтган 2012 йилнинг шу даврига нисбатан яхшиланишига ҳамда прокуратура фаолиятининг самарадорлигининг ошишига эришилганлигини айтди.

Аммо туманимиз ҳудудида 2013 йилнинг 12 ойи давомида умумий жиноятчилик 249 тани, 2012 йилнинг шу даврида 235 тани ташкил этган, яъни 2012 йилнинг шу даврига нисбатан умумий жиноятчилик 14 тага кўпайган.

Умумий жиноятларнинг очилиши эса жорий йилнинг шу кунига қадар 91,5 фоизни, ўтган йилда эса 89,4 фоизни ташкил этган.

Туман ҳудудида содир қилинган жиноятлардан босқинчилик, фирибгарлик, гиёҳвандлик билан боғлиқ жиноятлар камайган бир пайтда, талончилик, номусга тегиш, безорилик, товламачилик, одам савдоси билан соғлиқ жиноятларнинг ўсиб кетишига йўл қўйилган.

Муқаддам судланган шахслар, ишсизлар, гуруҳлар томонидан содир қилинган жиноятларнинг жорий йил давомида камайишига эришилган.

Ҳаммамизга маълум, одам савдоси масаласи инсониятнинг маънавий, ижтимоий тараққиётга салбий таъсир этиб, давлатларда миграция жараёнларининг кескин ўзгаришига халқаро жиноятчиликни ўсишига, инсон ҳуқуқларнинг бузилишига сабаб бўлмоқда.

Шу, боис, одам савдосига қарши курашиш бугунги кунда дунёдаги глобал муаммолардан бири ҳисобланади. Давлатимизда "Одам савдосига қарши курашиш ҳақида”ги қонун қабул қилинган, шунингдек одам савдосидан жабрланганлар учун марказий Осиёда ягона бўлган миллий марказ ташкил этилган.

Республикамизда, шу жумладан туманимиз ҳудудида одам савдосига қарши курашиш, олдини олиш, аҳоли хавфсизлигини таъминлаш, ҳушёрликни ошириш, бу борада жамоатчилик ролини кучайтириш юзасидан ўтказиладиган учрашувлар жадвали ишлаб чиқилиб, бу бўйича маълум даражада ишлар олиб борилган.

Амударё тумани прокуратураси томонидан тумандаги умумтаълим мактаблари ва касб-ҳунар коллежларида ўқувчиларнинг бандлигини таъминлаш ҳамда таълимнинг кейинги босқичига жалб қилиш мақсадида ота-оналари иштирокида ҳар бир ўқув муассасаларида учрашувлар ўтказилиб, корхона, ташкилотлар, фермер хўжаликлари ва бошқада иш ўринлари мавжуд бўлган ташкилотлар билан уч томонлама шартномалар тузишда ҳамкорликдаги хизмат соҳалари билан ишлар олиб борилмоқда.

Йиғилиш якунида, жорий йилда жиноятчиликни камайтириш юзасидан қилиниши зарур бўлган ишлар белгилаб олинди.