Аҳолини ижтимоий ҳимоя қилиш соҳасидаги давлат хизматларидан хабардормисиз?

Давлат хизматлари марказлари орқали кўрсатиладиган Давлат хизматлари кўрсатишни такомиллаштириш мақсадида “Аҳолини ижтимоий ҳимоя қилиш соҳасида давлат хизматлари кўрсатишнинг маъмурий регламентини тасдиқлаш тўғрисида”ги Ўзбекистон Республикаси Вазирлар Маҳкамасининг  2020 йил 23 майда 327-сонли қарори қабул қилинди. Қарор билан фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг маъмурий регламенти;
дафн маросими учун нафақа тайинлаш бўйича давлат хизматлари кўрсатишнинг маъмурий регламенти;
пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари кўрсатишнинг маъмурий регламенти;
пенсия ва нафақа миқдори тўғрисида маълумотнома бериш бўйича давлат хизматлари кўрсатишнинг маъмурий регламенти тасдиқланган.
Фарзанд туғилганда бериладиган бир марталик нафақа ва дафн маросими учун бериладиган нафақаларни тайинлаш юзасидан мурожаатлар бўйича давлат хизматлари кўрсатиш жараёни тўлиқ автоматлаштирилган тизим орқали бюджетдан ташқари Пенсия жамғармасининг маълумотлар базаси “ФҲДЁнинг ягона электрон архиви” ахборот тизими билан интеграция қилинган ҳолда амалга оширилмоқда.
Фуқароларнинг пенсия ва нафақа олувчилар рўйхатида мавжудлиги ҳақида ва пенсионерларнинг пенсия ва нафақа миқдори тўғрисидаги маълумотномаларни бериш бўйича давлат хизматлари кўрсатиш жараёни тўлиқ автоматлаштирилган.
Фарзанд туғилганда бериладиган бир марталик нафақа ва дафн маросими учун бериладиган нафақаларни тайинлаш бўйича давлат хизматлари кўрсатишнинг маъмурий регламентига мувофиқ туғилган боланинг ота-онаси ёки уларнинг ўрнини босувчи шахслар Давлат хизматлари марказлари орқали бола туғилганда бериладиган бир марталик нафақа тайинлаш юзасидан мурожаат қилишлари мумкин.
Давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали бола туғилган кундан бошлаб, 6 ой муддат ичида мурожаат қилинган тақдирда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси томонидан кўрсатилади ва нафақа пули нафақа етказиб бериш (топшириш) юкланган ташкилот томонидан тўланади.
Дафн маросими учун нафақа тайинлаш бўйича давлат хизматлари кўрсатишнинг маъмурий регламенти бўйича дафн этиш мажбуриятини зиммасига олган шахслар Давлат хизматлари марказлари орқали дафн маросимларини ўтказиш учун бериладиган нафақа пулини тайинлаш юзасидан мурожаат этишлари мумкин ва Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали Ўзбекистон Республикаси Молия вазирлиги ҳузуридаги бюджетдан ташқари Пенсия томонидан кўрсатилади ва нафақа пули нафақани етказиб бериш (топшириш) юкланган ташкилот томонидан тўланади.
Пенсия ва нафақа олувчилар рўйхатида мавжудлиги ҳақида маълумотнома бериш бўйича ҳамда Пенсия ва нафақа миқдори тўғрисида маълумотнома бериш бўйича давлат хизматлари кўрсатишнинг маъмурий регламентларига асос давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси томонидан кўрсатилади.
   Ариза берувчи Давлат хизматлари марказига келиб мурожаат этган тақдирда унинг сўровномаси Давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг, 5 дақиқа мобайнида, ЯИДХП орқали мурожаат этилган тақдирда автоматик тарзда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига электрон шаклда юборилади.
Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси сўровнома олингандан сўнг, 5 дақиқа мобайнида QR-кодли (матрик штрихли код) маълумотномани шакллантиради ҳамда (ўзи келиб мурожаат этган тақдирда) тегишли Давлат хизматлари марказига ёки (электрон тарзда мурожаат этган тақдирда) Ягона интерактив давлат хизматлари портали орқали электрон тарзда юборилади.

Давлат хизматлари маркази маълумотнома олингандан сўнг, 5 дақиқа мобайнида ариза берувчига маълумотномани электрон ёки қоғоз шаклида бериши шарт.
Аҳолига қулай шарт-шароитлар яратиш ҳамда давлат хизматлари кўрсатиш тизимига замонавий ахборот-коммуникация технологияларини жорий этишнинг давом эттирилиши халқнинг давлат хизматларидаи фойдаланиш соҳасидаги билим ва кўникмаларни оширишга, уларни ижтимоий ҳимоя қилишга имконият яратади.

  Мансур Содиқов,
туман Давлат хизматлари маркази директори.