Чет тилини ўқитиш тизимидаги янгиликлар
Ўзбекистон Республикаси Президентининг "Чет тилларни ўрганиш тизимини янада такомиллаштириш чора-тадбирлари тўғрисида”ги 2012 йил 10 декабрдаги Қарори таълим муассасаларида хорижий тилларни ўқитиш сифатини янада яхшилашга, замонавий дунёқарашга эга авлодни тарбиялашда муҳим восита бўлмоқда.
Қарор ижросини таъминлаш мақсадида қабул қилинган Ўзбекистон Республикаси Вазирлар Маҳкамасининг "Узлуксиз таълим тизимининг чет тиллар бўйича янги давлат таълим стандартини тасдиқлаш тўғрисида”ги 2013 йил 8 майдаги қарори асосида хорижий тиллар фани учун намунавий ўқув дастурлари тасдиқланди.
Ушбу ўқув дастурида умумтаълим фан-хорижий тил 250 соатга мўлжалланиб, ДТС талабини тўлиқ қамраб олган.
I курс ўқувчилари учун чет тили ўқитувчиси ўз эътиборини максимал даражада мустақил, яъни ўз-ўзини бошқариш, тақдимот кўникмаларини, матнлар билан ишлаш, ёзиш кўникмаларини ривожлантиришга қаратади. II курсга келиб ўқувчилар ўз касблари йўналишида касбий таълим устаси ва чет тили ўқитувчиси билан ҳамкорликда курс ишларини амалга оширадилар. III курсда эса коллеж ва лицей ўқитувчилари уларнинг худди шу ҳамкорликдаги диплом ишларини амалда тадбиқ этадилар. Натижада ўқувчи иккита устознинг диққат марказида бўлади. Шунингдек, касбий таълим устаси ва чет тили ўқитувчилари ўқувчи билан бирга ишлаши натижасида ўқувчининг ҳам, касбий таълим устасининг ҳам чет тилида мулоқот имконияти ошиб боради. Фан ва тил ўқитувчилари биргаликда ўқувчилар таълимини ривожлантиришади. Ўқувчининг натижаси учун иккала томон ўқитувчилари масъулиятни ҳис этишлари зарур. Ушбу жадвал асосида дарс олиб бориш, асосан, ўқувчиларнинг мустақил изланишларига қаратилганини кўриш мумкин. Мазкур жараён ҳам фан, ҳам тил ўқитувчилари томонидан назорат қилиниб, реферат, курс иши тарзида ўқувчи томонидан тақдимот қилинади. Бу жараёнда ўқувчилар ўқиш, ёзиш, тинглаш ва гапириш кўникмалари бир-бири билан боғлиқ эканлигини ҳамда турли касб йўналишларида таҳсил олаётган талабалар учун қисқа муддатда ўз соҳаларида мустақил ишлашлари учун имконият яратилганлигини англайди. Бу тажриба турли билим даражалардаги ўқувчилар, жумладан, ўзлаштириши паст бўлган ёки турли ихтисосликларда таълим олаётган ўқувчилар билан ишлашни қамраб олади. Шундай экан, хорижий тил ўқитувчиларининг вазифаси лексика ва талаффузни, шунингдек, таълимнинг маълум соҳасида сўзлашув нутқини ўргатишда яққол кўринади.
Янги дастур тилни ўрганишнинг асосий шаклларини ташкил қилувчи 4 та кўникмага асосланади. Булар - тинглаш, гапириш, ўқиш ва ёзиш кўникмалари.
Янги намунавий ўқув дастури Ўзбекистонда хорижий тилни ўқитишнинг халқаро стандартларига мувофиқ келувчи CEFR хорижий тилларни ўрганиш, ўқитиш ва баҳолаш рамкаларидаги тавсиялар CEFR (Common European Framework of Reerence for Language)гa мослаштирилган ҳолда амалга оширилади. Бу ўқув дастури барча чет тилларни ўрганувчилар учун асос бўлиб хизмат қилади.
Хорижий тилларни ўқитишда кадрлар салоҳияти муҳим аҳамиятга эга. Чунки ўз фанини чуқур биладиган, изланувчан, тажрибали ўқитувчиларгина яхши таълим беради ва ўз билимини ўқувчиларга етказа олади.
Бизнинг Манғит иқтисодиёт касб-ҳунар коллежимизда 5 нафар инглиз тили фани ўқитувчилари ишлайди. Коллежда 2 та инглиз тили хонаси мавжуд бўлиб, улардан бири лингафон билан жиҳозланган.
Коллежда дарслар янги интерфаол усуллардан фойдаланиб ўтилади. Намунавий дарслар янги пед технология асосида ўтилаяпти.
Фурсатдан фойдаланиб, барча ўқитувчи ва мураббийларни касб байрамлари билан табриклайман. Уларга сиҳат-саломатлик, ишларига муваффақиятлар тилайман!
Г.Аҳмедова,
Манғит иқтисодиёт касб-ҳунар коллежи ўқитувчиси, Ўзбекистон Республикаси Халқ таълими аълочиси, халқ депутатлари туман Кенгаши депутати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
