Qisqa satrlarda

qishki sugʻorish ishlari avjida

Oʻtgan yilning kuzida tumanimiz boʻyicha 3000 gektar maydonga kuzgi bugʻdoy ekilib, toʻliq nihol olishga erishilgan edi.

Ayni kunda unib chiqqan nihollarni parvarishlash ishlariga alohida eʼtibor berilmoqda.

Sugʻorish ishlariga fermer xoʻjaliklarining 600 nafar tajribali suvchilari, shuningdek 317 nafar suv xoʻjaligi tashkiloti xodimlari va 53 nafar suv isteʼmolchilari uyushmalari xodimlari jalb etilgan.

Qishki sugʻorish ishlarini sifatli tashkil etish maqsadida tuman davlat soliq inspektsiyasi xodimlaridan 4 ta guruh tuzilib, ular sugʻorish ishlarini doimiy ravishda nazorat qilib bormoqdalar.

Chorva qishlovi betalofat oʻtkazilmoqda

2015-yil davomida tumanimizdagi  chorvachilikka ixtisoslashgan fermer xoʻjaliklari va agrofirmalarda jami 2481 bosh qoramol boqildi va chorva qishloviga puxta taraddud koʻrildi.

Oʻtgan yili ushbu subʼektlarda rejadagi 2729 tonna oʻrniga 2737 tonna beda pichani, 6181 tonna oʻrniga 6187,7 tonna silos, 2596 tonna oʻrniga 2602 tonna senaj va 4560 tonna oʻrniga 4570 tonna  hashaki lavlagi  jamgʻarildi.

Ayni kunda bu subʼektlardagi mavjud qoramollar toʻq va sogʻlom boqilib, chorva qishlovi betalofat oʻtkazilmoqda.

Shoʻr yuvish ishlari qizgʻin

Joriy yilgi mavsumda tumanimizda 20526 gektarmaydonning shoʻrini yuvish va 16905 gektar maydonga nam suvi berish ishlari rejalashtirilgan.

Shoʻr yuvish ishlarini oʻz vaqtida, sifatli olib borish maqsadida tumanda 17 ta sugʻorish otryadlari tuzilib, har bir SIUda sugʻorish shtablari tashkil etildi.

Shu kungacha 20526 gektar maydonda birinchi va 18411 gektarmaydonda ikkinchi shoʻr yuvish ishlari amalga oshirildi.

SARHADLARIMIZ DAXLSIZLIGI YOʻLIDA

Yurtimizda tinchlik va osoyishtalikni asrash, fuqarolarni yanada xushyorlikka chaqirish hamda "Oʻzbekiston Respublikasining Davlat chegarasi toʻgʻrisida”gi Qonun va fuqarolarning pasport rejimiga rioya qilish, diniy ekstremizm va odam savdosiga qarshi kurashish masalasida chegara hududlarida joylashgan mahallalarda uchrashuvlar oʻtkazilmoqda.

Tumanimizning chegara hududlarida joylashgan 9 ta ovul va mahallalarda oʻtkazilgan yigʻilishlarda taʼkidlanganidek, xavfsizlikka tahdid – u qanday koʻrinishda boʻlmasin, mamlakat tinchligiga, barqarorligiga, ijtimoiy-iqtisodiy taraqqiyotiga, inson maʼnaviyatiga, salomatligiga va hayotiga, atrof-tabiiy muhit tozaligi, musaffo osmon sofligiga katta xavf tugʻdiradi. Shunday ekan, har qanday xavfning oldini olishga hissa qoʻshish nafaqat huquqni muhofaza qilish organlarining, balki har birimizning burchimizdir.

sogʻlom turmush tarzi targʻiboti

22 yanvar kuni Amudaryo akademik litseyining majlislar xonasida "Oiladagi sogʻlom turmush tarzi – ona va bola salomatligi garovidir” mavzusida Qoraqalpogʻiston Respublikasi Xotin-qizlar qoʻmitasining ijtimoiy-siyosiy nashri – "Gulayim” gazetasi tahririyatining Oʻzbekiston Respublikasi Oliy Majlisi huzuridagi nodavlat notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan grant loyihasi doirasida seminar oʻtkazildi.

Loyihadan koʻzlangan maqsad – atrof-muhitni muhofaza qilishda, tabiiy resruslardan oqilona foydalanishda nodavlat notijorat tashkilotlarining, matbuot va ommaviy axborot vositalarining rolini oshirish orqali aholining, ayniqsa xotin-qizlarning ekologik va tibbiy madaniyatini yaxshilashga erishishdan iborat.

Seminarda tuman tibbiyot birlashmasi, davlat sanitariya-epidemiologiya nazorati markazi, fuqarolik holati dalolatnomalarini yozish boʻlimi, tabiatni muhofaza qilish qoʻmitasi xodimlari, nodavlat notijorat tashkilotlari, fuqarolarning oʻzini-oʻzi boshqarish organlari va jamoat tashkilotlari raislari soʻz olib, kun tartibidagi masala boʻyicha fikr va mulohazalarini bildirdilar.

Seminar soʻngida kun tartibidagi masala boʻyicha taklif va tavsiyalar ishlab chiqildi.