PARTIYaMIZ NUFUZI OShMOQDA

OʻzXDP tuman Kengashi asosiy eʼtiborni partiya saflarini bilimli, ongli yoshlar hisobiga toʻldirib, partiyaning saylov oldi dasturida belgilangan vazifalarni xalq bilan birgalikda bajarish, elektorat manfaatlarini himoya qilishga qaratmoqda.

Partiyaning tuman Kengashidagi deputatlik guruhida 2015-yilga moʻljallangan ish rejasiga asosan jami 8 ta masala koʻrib chiqildi. 2016-yil ish rejasiga asosan shu kungacha 5 ta masala koʻrib chiqildi. Koʻrilgan masalalar boʻyicha tegishli qarorlar qabul qilinib, tuman Kengashiga takliflar berib borildi.

Bundan tashqari, xalq deputatlari tuman Kengashining Sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasining shu kunga qadar 12 ta yigʻilishi boʻlib, koʻrilgan masalalar boʻyicha tegishli qarorlar qabul qilinib, tuman Kengashiga takliflar berildi.

2016-yil 23-mart kuni xalq deputatlari tuman Kengashining Sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasi hamda OʻzXDP deputatlik guruhining qoʻshma yigʻilishi boʻlib oʻtdi.

Tuman Kengashi aʼzolari shu kunga qadar mehnat jamoalarida, oʻquv yurtlarida va mahallalarda qator amaliy uchrashuvlar, tadbir va seminar-muloqotlar oʻtkazdi.

OʻzXDP deputatlik guruhi (guruh aʼzolari 5 nafar) ish rejasida koʻrsatib oʻtilgan muddatlarda deputatlik guruhi aʼzolarining aholi bilan uchrashuvlari oʻtkazildi.

Xalq deputatlari tuman Kengashiga Amir Temur nomli saylov okrugidan deputat sifatida men oʻzim saylovchilar bilan 12-marta uchrashuv oʻtkazdim. 2-Chordara saylov okrugidan deputat B.Madaminov 9-marta, 3-Boyovul saylov okrugidan deputat N.Davletova 10-marta, 5-Beruniy saylov okrugidan deputat S.Xoʻjamuratova 11-marta, 10-Tosh yop saylov okrugidan deputat O.Yoʻldoshev 12-marta, 12-Arna boʻyi  saylov okrugidan deputat T.Babaniyozov 8-marta uchrashuvlar oʻtkazib, aholi murojaatlari boʻyicha tegishli tartibda chora-tadbirlar belgiladilar va amalga oshirdilar.

Xalq deputatlari tuman Kengashining 2-"Chordara” saylov okrugidan deputat B.Madaminov 2-marta, 3-Boyovul saylov okrugidan deputat N.Davletova 3-marta, 5-Beruniy saylov okrugidan deputat S.Xoʻjamuratova 3-marta, 10-Tosh yop saylov okrugidan deputat O.Yoʻldoshev 5-marta, 12-Arna boʻyi  saylov okrugidan deputat T.Babaniyozov 3-martadan deputatlik soʻrovlari bilan tegishli tashkilotlarga murojaat qilib, belgilangan muddatlarda javoblarini oldilar.

Doimiy komissiya hamda deputatlik guruhi aʼzolari oʻzlari saylangan saylov okruglarida fuqarolardan kelib tushayotgan yozma va ogʻzaki murojaatlarni qonunda belgilangan muddatlarda koʻrib chiqmoqdalar. Jumladan, shu kunga qadar doimiy komissiya aʼzolari fuqarolarning 23 murojaatini hamda deputatlik guruhi aʼzolari 21 murojaatni koʻrib chiqib, tegishli javoblarni berdilar.

Partiya saylov oldi platformasida belgilangan vazifalarning bajarilishini taʼminlash maqsadida tuman Kengashi deputatlik guruhi hamda xalq deputatlari tuman Kengashining  Sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasi bilan xamkorlikni yanada mustahkamlaydi. Bu oʻz navbatida partiyamizning aholi orasidagi nufuzi oshishini taʼminlaydi.