Fan va taʼlim 15.09.2013 👁 3,081

Ochiq eshiklar kuni

Hozirgi kunda oʻquvchi-yoshlarga turli kasb sirlarini oʻrgatish, qiziqishlariga qarab maktabda olgan bilimlarini rivojlantirish, ularni hayotga tayyorlash maqsadida tumanimizda 2011-yildan boshlab "Barkamol avlod” bolalar ijodiyoti markazi faoliyat olib bormoqda.

Markazimizga b yoshdan 16 yoshgacha boʻlgan oʻgʻil-qizlar jalb qilingan. Ularga 35 nafardan ortiq pedagog - xodimlar oʻz bilim va tajribalarini oʻrgatib kelmoqda. "Barkamol avlod” bolalar markazimizda texnik ijodkorlik, badiiy ijodiyot, oʻlkashunoslik va ekologiya yoʻnalishlari boʻyicha "Kompyuter dizayni va grafika”, "Bichish-tikish”, "Munchoqli bezak”, "Toʻqish”, "Yosh musavvir”, "Yosh oʻlkashunos”, "Yosh ekolog”, "Folklor” va boshqa toʻgaraklar samarali faoliyat koʻrsatmoqda. Har yili oʻquvchilarning qiziqishi va talabiga mos yangidan toʻgaraklar tashkil qilinmoqda. Markazda yoshlarni har tomonlama barkamol, maʼnan yetuk insonlar qilib tarbiyalash maqsadida maʼnaviy-maʼrifiy tadbirlar tez-tez tashkil qilib turiladi. Oʻtgan oʻquv yilida markazimiz oʻquvchilari tumanda va Respublikada boʻlib oʻtgan koʻrik tanlovlarda qatnashib, faxrli oʻrinlarni egalladilar.

Yosh avlodning har tomonlama barkamol voyaga yetishi uchun ularning dunyoqarashini kengaytirish, qiziqish va intilishini qoʻllab-quvvatlash, bolalardagi ijodiy qobiliyatlarni rivojlantirish, iqtidorli oʻquvchilarni tanlash maqsadida "Barkamol avlod” bolalar markazida va markaz tomonidan tumanimizdagi maktablarda tashkil qilingan toʻgaraklarda 2013-2014 oʻquv yilining 16-sentyabr kuni "OChIQ EShIKLAR KUNI” oʻtkaziladi. Bunda toʻgarak rahbarlari, ota-onalar, oʻqituvchilar va oʻquvchilar qatnashadilar. Oʻquvchilarga kasbiy bilimlarni beruvchi stendlar, oʻquvchilar tomonidan yaratilgan ijod namunalarining koʻrgazmalari namoyish etiladi. Oʻquvchilar bilan suhbat va uchrashuvlar tashkil qilinadi. Muloqotlarda "Barkamol avlod” bolalar markazining maqsad va vazifalari ahamiyati, toʻgaraklarning mohiyati haqida batafsil fikr yuritiladi. Bunday harakatlar bolaning jamiyatda oʻz oʻrnini topishi uchun kasb-hunarning ahamiyati va zaruratini chuqur anglashga xizmat qiladi. Har bir oʻquvchining iqtidori va isteʼdodiga qarab "Barkamol avlod” bolalar markazidagi toʻgaraklarga jalb qilinadi. Har bir oʻquvchi - ertamiz bunyodkori. Uning qiziqishi va qobiliyatini aniqlab, hozirdanoq aniq maqsad sari yoʻnaltirish yetuk mutaxassis tayyorlashda muhim ahamiyatga ega. Mamlakatimizning buyuk kelajagini aynan oʻz kasbining ustalarigina qura oladi. "OChIQ EShIKLAR KUNI”ga qatnashib, farzandlarining qiziqish va qobiliyatlariga qarabularning kasbiy toʻgaraklarga aʼzo boʻlishiga koʻmaklashish maqsadida 16-sentyabr kuni siz aziz ota-onalar va oʻquvchilarni lutfan taklif qilamiz.