“ODOBING – ZIYNATING”

Amudaryo televideniyesi tahririyati Oliy Majlisi huzuridagi nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi taʼsis etgan grant tanlovida “Odobli bola – el koʻrki” nomli loyihasi bilan qatnashib, gʻolib boʻlgan edi. Mazkur loyiha 2017-yilning 15-noyabridan beri muvaffaqiyatli amalga oshirilmoqda.

Loyiha ish rejasiga asosan oʻquvchi yoshlarning maʼnaviyatini yuksaltirish maqsadida ularning “Jayxun ilhomlari” NNT qoshida tashkil etilgan kutubxonaga ekskursiyalarini tashkil etilmoqda, koʻrsatuvlar orqali yoshlarning odob-axloq, insoniy fazilatlar, milliy urf-odatlarimiz haqidagi fikrlarini tengdoshlari eʼtiboriga havola qilinayapti, yoshlar va bolalar mutolaa qilgan ertaklar, jahon, zamonaviy oʻzbek adabiyotining sara namunalari telekanalning “Mutolaa vaqti” koʻrsatuvida efirga berib borilayapti. Shuningdek, “Milliy anʼana va qadriyatlar yoshlar nigohida” rukni ostida yoshlarning fikr-mulohazalari aks ettirilgan ijtimoiy roliklar efirga uzatilmoqda, yosh oilalar, ularda voyaga yetayotgan farzandlarni milliy urf-odat, qadriyatlar ruhida tarbiyalashga hissa qoʻshish maqsadida taʼlim muassasalarida, ovullarda yoshlar ishtirokida uchrashuvlar, davra suhbatlari oʻtkazilmoqda.

Yaqinda 28-maktabda “Odobing-ziynating” deb nomlangan davra suhbati ham grant loyihasi doirasida oʻtkazildi.

Davra suhbatini maktab direktorining maʼnaviy-maʼrifiy ishlar boʻyicha oʻrinbosari Bahodir Soburov ochdi va olib bordi.

Loyiha hamkorlaridan biri “Taraqqiyot koʻzgusi” gazetasi maxsus muxbiri Oygul Rajabova yigʻilganlarga oʻquvchi yoshlarning ham maʼnan, ham jismonan barkamol boʻlib voyaga yetkazishlari uchun davlatimiz gʻamxoʻrlikni kun sayin kuchaytirayotgani, xususan, taʼlim sohasiga qaratilayotgan eʼtibor, maktablarda yana 11 yillik oʻquv tizimining joriy etilgani haqida shuningdek, oʻquvchilarning davlatimiz gʻamxoʻrliklariga javoban yaxshi ilm egallab, yurtimiz koriga yaraydigan insonlar boʻlib voyaga yetishga intilishi lozimligini taʼkidladi. Bunda ajdodlarimizdan meros boʻlib kelayotgan milliy anʼanalarimiz, urf-odatlarimiz va qadriyatlarimizning maʼno-mazmunini teran anglashga intilishi, hurmat qilishii har bir yoshning kamolida muhim oʻrin tutishini tushuntirdi.

Ochiq muloqot tarzida oʻtkazilgan davra suhbatida oʻquvchilar, shuningdek, shu maktab oʻqituvchilari Dalbar Jumanazarova, Bahodir Soburovlar ham kun tartibida masala yuzasidan oʻz fikr-mulohazalarini bildirdilar.

Davra suhbati oʻquvchilarda ulkan taassurotlar qoldirdi.

Ravshan ANOROV.