“BARKAMOL AVLOD” BOLALAR MARKAZIDA SEMINAR- KENGASh OʻTKAZILDI
24-avgust kuni Amudaryo tumanidagi “Barkamol avlod” bolalar markazida “2018-2019 oʻquv yilida “Barkamol avlod” bolalar markazlari oldida turgan vazifalar” mavzusida Qoraqalpogʻiston Respublikasi boʻyicha Avgust seminar-kengashi oʻtkazildi.
Seminar-kengash Amudaryo tumani “Barkamol avlod” bolalar markazi tomonidan tayyorlangan kontsert dasturi va bolalar ijodiyoti namunalari asosida tashkil etilgan koʻrgazma namoyishi bilan boshlandi. Shundan keyin mehmonlar ikki guruhga boʻlingan holda Respublikada eng namunali deb topilgan Amudaryo tumani “Barkamol avlod” bolalar markazi faoliyati bilan tanishdilar.
Seminar-kengash ishtirokchilari tadbir davomida yangi oʻquv yilida “Barkamol avlod” bolalar markazlari oldida turgan vazifalar, hujjatlar bilan ishlashish hamda ularning yuritilishini nazoratga olish yuzasidan oʻzaro fikr almashdilar. Shuningdek, tadbirda “Barkamol avlod” bolalar markazlarining Respublika miqyosida oʻtkazib kelinayotgan koʻrik-tanlovlardagi ishtiroki va koʻrik-tanlovlar yakunlari haqida ham soʻz yuritildi.
Seminar-kengash yakunida Amudaryo tumani “Barkamol avlod” bolalar markazi direktori Xonimjon Rajabovaga markaz faoliyatini namunali tashkil etganligi uchun Qoraqalpogʻiston Respublikasi Xalq taʼlimi vazirligining Faxriy yorligʻi topshirildi.
A.Jumaniyozov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
