HAP BIP MAHALLA, OVULDAFUTBOL MAYDONI BAPPO ETILADI

Yosh avlodning har jihatdan barkamol boʻlib voyaga yetishida sportning oʻrni juda muhim. Mamlakatimizda mustaqillikning ilk yillaridan boshlab sportning ommaviyligiga erishish boʻyicha amalga oshirilayotgan chora-tadbirlar oʻzining ijobiy samaralarini berayotganiga hammamiz guvohmiz.

Yaqindagina –18-avgust-2-sentyabr kunlari Indoneziyaning Jakarta va Palembang shaharlarida boʻlib oʻtgan XVIII Osiyo oʻyinlarida sportning 30 turi boʻyicha ishtirok etgan 234 nafar sportchilarimizning 45 ta mamlakat sportchilari orasida eng kam tarkib bilan boʻlsa-da, umumjamoa hisobida beshinchi oʻrinni egallagani, 21 ta oltin, 24 ta kumush, 25 ta bronza medalni yengib olgani ham sportga berilayotgan eʼtibor, yaratilayotgan sharoitlar natijasidir.

Endilikda mamlakatimizda sportning futbol turi ham rivojlanishi va bu borada ham salmoqli yutuqlar qoʻlga kiritilishiga asos yaratildi. Bu asos Vazirlar Mahkamasining “Fuqarolar yigʻinlarida sportning futbol turini yanada rivojlantirish hamda fuqarolar yigʻinlari raislarining oʻrinbosarlari – yoshlar masalalari boʻyicha maslahatchilarni moddiy ragʻbatlantirish chora-tadbirlari toʻgʻrisida”gi qaroridir.

Qarorga muvofiq aholining, xususan, yoshlarning boʻsh vaqtlarini mazmunli oʻtkazishlari, futbol bilan muntazam shugʻullanishlari uchun mahallalarda zarur shart-sharoitlar yaratiladi. Qaror bilan davlat-xususiy sheriklik asosida zamonaviy futbol maydonlarini tashkil etish boʻyicha “Har bir mahallada futbol maydoni” dasturini amalga oshirish tartibi belgilangan.

Endilikda har bir mahallada davlat-xususiy sheriklik asosida nodavlat tashkilotlari va tashabbuskorning oʻz mablagʻlari, shuningdek, boshqa manbalar hisobiga futbol maydonlari qurish uchun bepul yer ajratiladi.

Shunisi eʼtiborliki, futbol maydonlarida mazkur mahalla yoshlarining maʼlum vaqtda bepul shugʻullanishlari taʼminlanadi.

Bu vazifalarni sidqidildan bajarib, oʻz mahallasida yoshlarni futbolga faol jalb etgan va yoshlar orasida jinoyat, huquqbuzarliklar kabi koʻngilsiz holatlar sodir etilishining oldini olishga erishgan fuqarolar yigʻinlari raislarining yoshlar masalalari boʻyicha maslahatchilarini ragʻbatlantirib borish tartibi ham mazkur qarorga muvofiq qabul qilingan “Mahalla fuqarolar yigʻinlari raislari oʻrinbosarlari –yoshlar masalalari boʻyicha maslahatchilarni moddiy ragʻbatlantirish tartibi toʻgʻrisida”gi Nizomga muvofiq belgilab berilgan.

Qarorga muvofiq amalga oshirilishi belgilangan vazifalar mamlakatimizda, shu jumladan, tumanimizda yoshlarni sogʻlom qilib tarbiyalashga, iqtidorli yoshlarni futbolga jalb etishga xizmat qiladi. Shuning uchun ham qaror ijrosini taʼminlashga sidqidildan harakat qilamiz.

Suratda: Arna boʻyi mahallasi birinchiligi uchun oʻtkazilgan futbol musobaqalari gʻolib jamoasi.

Otabek IBPAGIMOV, oʻzini oʻzi boshqarish organlari faoliyatini

muvofiqlashtirish boʻyicha tuman Kengashi raisi oʻrinbosari.