PPEZIDENTNING AMUDAPYo TUMANIDAGI XALQ QABULXONASI: 8 oyda 232 ta murojaat qanoatlantirildi

Xalq qabulxonalari. Bu tuzilma tashkil qilinganiga hali koʻp vaqt boʻlmasa-da, tom maʼnoda xalqimizning ishonchli hamkoriga, suyanchiga aylanib ulgurdi. Ilgari biror davlat organiga iymanib, ming bir istihola bilan boradigan xalq oʻz dard-u tashvishlari haqida soʻz ochmasdan yo rad javobini olar, yoki ariza va shikoyatlarini hal etish oylab paysalga solinardi. Davlat idoralari bilan xalq oʻrtasida oʻtib boʻlmas toʻsiq, byurokratik sansalorlik mavjud edi. Muhtaram Prezidentimiz Sh.M.Mirziyoyev bu toʻsiqlarga barham berdi, shaxsan oʻzlari katta jasorat ila xalq bilan muloqotga chiqdilar.

Oʻzbekiston Pespublikasi Prezidentining tumanimizdagi Xalq qabulxonasida jismoniy va yuridik shaxslarning murojaatlarini koʻrib chiqishda shaffoflikni taʼminlashga alohida eʼtibor qaratiladi. Bironta shikoyat yoki ariza nazoratsiz qoldirilmaydi. Yaʼni, har bir murojaat mazmun-mohiyatiga koʻra nazoratga olinadi. Xususan, tuman Xalq qabulxonasiga 2018-yilning 24-avgust sanasiga qadar 285 ta murojaat kelib tushgan boʻlsa, shundan 164 tasi hududdagi idora va tashkilotlarga, 17 tasi yuqori tashkilotlarga koʻrib chiqish va hal etish uchun yuborildi. 104 ta murojaat esa Xalq qabulxonasi tomonidan sinchiklab oʻrganish maqsadida qoldirildi. Bu murojaatlarning 232 tasi, yaʼni 81 foizi qanoatlantirildi. Shundan 94 tasi ijobiy hal qilingan, 100 ta murojaat egalariga huquqiy maslahatlar berilib, ularning tashvish va muammolarini hal etishga yordam koʻrsatildi. Hal etilishi uchun maʼlum muddat, zarur hujjatlar va oʻrganish talab etiladigan 38 ta murojaat qatʼiy nazoratga olindi.

Xalqning dardu tashvishlarini tinglab, muammolarini hal qilishda sektorlar faoliyati ham muhim ahamiyat kasb etmoqda.

Tuman hokimi, tuman prokurori, IIB boshligʻi va DSI boshligʻi rahbarlik qilayotgan toʻrtta sektor hududida oʻtkazilayotgan sayyor qabullar, xalq bilan oshkora muloqot, targʻibot tadbirlarida xalqimiz nafaqat shaxsiy, balki umummanfaati uchun daxldor boʻlgan muammolarni koʻtarib chiqayotgani, qimmatli takliflar bildirayotgani quvonarli.

Xususan, 2018-yilning 24-avgust sanasigacha hududlar boʻyicha sektorlar rahbarlari va boshqa idora-tashkilotlar rahbarlari ishtirokida 69 ta targʻibot tadbirlari oʻtkazilib, 47 ta sayyor qabullar tashkil etildi. Oʻtkazilgan ushbu tadbirlarda 2000 nafarga yaqin aholi ishtirok etdi.

Sayyor qabullar jarayonida men doim bir holatni quvonib kuzataman: xalqimizning huquqiy madaniyati yuksalib, ertangi kuniga ishonchi va intilishi oshib bormoqda. Xalq ertangi kuniga ishonayaptimi, demak, kelajak istiqbollari uchun daxldorligini his etayotir. Demak, xalqning oʻzi mamlakatning porloq kelajagini yaratuvchi kuch, mamlakat xalq bilan qudratli ekanligidan manfaatdor. Prezidentimiz aytmoqchi: “davlat idoralari xalqimizga xizmat qilishi kerak” degan tamoyil bugun chin maʼnoda xalq hayotida aks etayotir.

Erkin Pajabov, Oʻzbekiston Pespublikasi Prezidentining

Amudaryo tumanidagi Xalq qabulxonasi mudiri.