Tuman Xotin-qizlar qoʻmitasining hisobot-saylov konferentsiyasi boʻlib oʻtdi

Bugungi kunda mamlakatimiz ijtimoiy-siyosiy hayotida xotin-qizlarga munosib turmush va mehnat sharoitlarini yaratish, haq-huquqlarini himoya qilish, isteʼdod va qiziqishlarini roʻyobga chiqarishlari uchun zarur imkoniyatlar yaratib, munosib ragʻbatlantirib borish boʻyicha yaratilgan tizim hatto xorij davlatlari eʼtiroflariga, qiziqishlariga sabab boʻlmoqda.

Onalik va bolalikni muhofaza qilish, yosh avlod taʼlim-tarbiyasini jahon andozalariga mutanosib ravishda tashkil etish, oilalar mustahkamligini taʼminlash yuzasidan amalga oshirilayotgan rejaviy-tadbirlar va bu tadbirlarda faol ayol-qizlarning, koʻpni koʻrgan nuroniy onaxonlarning ishtiroki jamiyat hayotida ayol-qizlarning nufuzi tobora oshib borayotganidan dalolat beradi.

Amudaryo tuman Xotin-qizlar qoʻmitasining shu yil 3-oktyabr kuni boʻlib oʻtgan hisobot-saylov konferentsiyasida mamlakatimiz ijtimoiy-siyosiy hayotida xotin-qizlarning tutgan oʻrni va amudaryolik ayollar tomonidan amalga oshirilayotgan keng qamrovli ishlar alohida mamnuniyat bilan tilga olindi.

Hisobot-saylov Konferentsiyasini tuman hokimi muovini, tuman Xotin-qizlar qoʻmitasi raisi Maryam Ahmedova ochdi va olib bordi. Konferentsiya kun tartibidagi asosiy masala – “Oʻzbekiston Pespublikasi Prezidentining 2017-yil 7-fevraldagi “Oʻzbekiston Pespublikasini yanada rivojlantirish boʻyicha Harakatlar strategiyasi toʻgʻrisida” gi va 2018-yil 2-fevraldagi “Xotin-qizlarni qoʻllab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari toʻgʻrisida” gi Farmonlari ijrosini taʼminlash borasida Amudaryo tuman Xotin-qizlar qoʻmitasining vazifalari toʻgʻrisida” tuman Xotin-qizlar qoʻmitasi raisi Maryam Ahmedova maʼruza qildi.

M.Ahmedova oʻz maʼruzasida tuman xotin-qizlarining turli sohalarda erishayotgan yutuqlari, Prezident Farmonldari hamda Davlat dasturlari ijrosini taʼminlash borasidagi tizimli ishlar haqida keng toʻxtalib oʻtdi. Ayniqsa, yosh avlod taʼlim-tarbiyasi, onalar va bolalar reproduktiv salomatligini mustahkamlash, har bir mahallada va oilada sogʻlom maʼnaviy muhit yaratish, hayotimizga yot boʻlgan diniy ekstremizm, giyohvandlik balosiga qarshi kurashish boʻyicha hisobot davrida amalga oshirilgan ishlar, oʻtkazilgan madaniy, maʼnaviy-maʼrifiy tadbirlar haqida batafsil maʼlumot berdi. Maʼruzada tilga olingan barcha amaliy ishlar va ularning ijobiy natijalari Konferentsiya ishtirokchilari koʻz oʻngida, monitorda birma-bir aks etib turdi.

Tumanda xotin-qizlarning muammolarini oʻz vaqtida aniqlash, yordamga muhtoj boʻlgan va ogʻir ijtimoiy ahvolga tushib qolgan ayollarning manzilli roʻyxatlari tuzilib, ogʻir turmush sharoitiga tushib qolgan 105 nafar ayol-qizlarga ijtimoiy-maʼnaviy koʻmak berilgan. Ularning bandligini taʼminlash maqsadida 35 nafar nogironligi boʻlgan ayolga nogironlik aravachalari berilib, 8 nafar xotin-qiz kasanachilik faoliyati bilan shugʻullanishi uchun tikuv mashinalari bilan taʼminlangan. Bundan tashqari, 4 nafar ogʻir sharoitga tushib qolgan ayolga boshlangʻich badali toʻlab berilib, zamonaviy uy-joy olishlariga koʻmaklashilgan. 2018-yilda 10 nafar ana shunday ayol-qizlarga 10 foizlik, 6 nafar ayol-qizlarga esa 25 foizlik boshlangʻich badallarini toʻlab berish hisobiga uy-joy bilan taʼminlanishlariga imkoniyat yaratilgan. Bundan tashqari, ogʻir sharoitda yashovchi 45 nafar ayolning uy-joyi taʼmirlangan va 250 nafar ayolga oilaviy maishiy sharoitlarini yaxshilash maqsadida maishiy texnika jihozlari yetkazib berilgan. Albatta, bu kabi ishlarni amalga oshirishda boshlangʻich xotin-qizlar tashkilotlari qoshidagi “Qizlarjon” klubi, “Qaynonalar Kengashlari”, “Buvijonlar maktabi” kabi jamoatchilik tuzilmalari faollarining hissasi katta. Aynan ana shunday jamoatchilik tuzilmalari faoliyati yaxshi yoʻlga qoʻyilgani bois, hisobot davrida 44 ta oila yarashtirilib, 8 ta oila oʻzaro murosaga keltirilgan, oʻz joniga qasd qilish, ayollar tomonidan jinoyat sodir etish holatlari kamaygan. Oilalarda sogʻlom maʼnaviy muhit yaratish maqsadini ifoda etuvchi rejaviy tadbirlarning jonkuyarlari ham aynan yuqoridagi jamoatchilik tuzilmalari ekanligi monitorda aks ettirilgan turli hil tadbirlar jarayonlari haqidagi lavhalar orqali ishtirokchilarga yetkazildi.

Maʼruza yuzasidan qizgʻin muzokaralar boʻldi. Unda “Mahalla” jamoat fondi tuman boʻlinmasi rahbari Ashirboy Qoʻshayev, tuman Xotin-qizlar qoʻmitasi mutahassisi, xalq deputatlari tuman Kengashi deputati Guljahon Ibragimova, Oʻzbekiston yoshlar ittifoqi tuman Kengashi faoli Bunyod Qodirov, tuman hokimining birinchi oʻrinbosari Maʼmurjon Temirboyev, “Taraqqiyot koʻzgusi” gazetasi maxsus muxbiri Pobiya Yoʻldoshevalar ishtirok etdilar va tuman Xotin-qizlar qoʻmitasi tolmonidan hisobot davrida amalga oshirilgan ishlar boʻyicha oʻz fikr-mulohazalarini bildirdilar.

Shundan soʻng konferentsiya kun tartibidagi “Oʻzbekiston Xotin-qizlar qoʻmitasining yangi tahrirdagi Ustavi loyihasi toʻgʻrisida” gi, “Tuman Xotin-qizlar qoʻmitasi Boshqaruvi tarkibini saylash toʻgʻrisida” gi hamda “Tuman Xotin-qizlar qoʻmitasi raisini saylash toʻgʻrisida” gi masalalar ham koʻrib chiqildi. Delegatlar Oʻzbekiston Xotin-qizlar qoʻmitasining yangi tahriridagi ustavi loyihasi yuzasidan oʻz takliflarini bildirdilar.

Kun tartibidagi tashkiliy masalalar ham ochiqlik va shaffoflik asosida koʻrib chiqildi.

Konferentsiya delegatlarining koʻpchilik ovozi bilan Maryam Ahmedova tuman Xotin-qizlar qoʻmitasi raisi etib saylandi.

Shuningdek, konferentsiyada tuman Xotin-qizlar qoʻmitasining Boshqaruvi tarkibi hamda Qoraqalpogʻiston Pespublikasi Xotin-qizlar qoʻmitasi Konferentsiyasiga delegatlar ham saylandi.

Tuman Xotin-qizlar qoʻmitasining hisobot-saylov Konferentsiyasida Qoraqalpogʻiston Pespublikasi Vazirlar Kengashi raisi muovini, Qoraqalpogʻiston Pespublikasi Xotin-qizlar qoʻmitasi raisi Zuhra Ibragimova ishtirok etdi va maʼruza qildi.

Pobiya YOʻLDOShEVA.