Bagʻrikenglik tamoyiliga muvofiq
Mamlakatimizda fuqarolarning emin-erkin, baxtiyor va farovon yashashlari uchun barcha sharoitlar bor. Ularning huquqlari, manfaatlarini himoya qilish borasida yaratilgan qonuniy meʼyorlar ogʻishmay amalga oshirilmoqda.
Qonunchiligimizga ham singib ketgan bagʻrikenglik, kechirimlilik tamoyillari asosida bilib-bilmay adashib qolgan, oʻz xatolaridan tegishli xulosa chiqargan fuqarolarimiz jazodan ozod etilmoqda, jazo muddatlari qisqartirilmoqda.
Oʻzbekiston Respublikasi Oliy Majlisi Senatining 2013 yil 12-dekabrdagi "Oʻzbekiston Respublikasi Konstitutsiyasi qabul qilinganligining yigirma bir yilligi munosabati bilan Amnistiya toʻgʻrisida”gi qaroriga muvofiq amalga oshirilayotgan saʼy-harakatlar ham shular jumlasidandir. Mazkur qarorga muvofiq tumanimizning 5 nafar ozodlikdan mahrum qilingan fuqarosi muddatidan oldin jazoni oʻtash joyidan ozod boʻlib kelishdi va tuman hokimligi qoshidagi ijtimoiy koʻnikish markazida roʻyxatdan oʻtishdi.
Mazkur markaz jazoni oʻtash joyidan ozod qilingan shaxslarni ishga joylashtirish va ularning kelgusida takroriy jinoyat sodir etishining oldini olish, jamoatchilikka qoʻshilib, ijtimoiy hayotga koʻnikib ketishlarini taʼminlash maqsadida ovul, mahallalar yigʻinlari xodimlari bilan hamkorlikda ish olib bormoqda.
Shuningdek, jazoni oʻtash joyidan ozod qilinganlarga tuman hokimligi huzuridagi, ijtimoiy koʻnikish markazi tomonidan bir martalik yordam puli belgilangan tartibda berilmoqda.
Shu kungacha murojaat qilgan 5 nafar fuqaroga jami 2 million 690 ming 942 soʻm miqdorida moddiy yordam puli "Xalq banki” tuman filiali tomonidan toʻlandi.
Amnistiya qaroriga asosan jazoni ijro etish muassasalaridan ozod etilgan 5 nafar fuqaroning barchasi tibbiy koʻrikdan oʻtkazilib, sogʻligi nazorat qilindi va barchasi ham mehnatga layoqatli, deb topildi.
Ayni kunda ularning 3 nafari mustaqil ravishda, 2 nafari aholini ijtimoiy muhofaza qilish va bandlikka koʻmaklashish markazi tomonidan yaratilgan kvota oʻrinlariga ishga joylashishdi.
Tuman ichki ishlar boʻlimi, oʻzini-oʻzi boshqarish organlari hamkorlikda ozodlikka chiqarilgan fuqarolarni nazoratsiz qoldirmaslik, qayta jinoyat qoʻchasiga kirib qolishining oldini olish borasida tizimli ish olib bormoqda.
Farxad Allambergenov,
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
