DIQQAT, YaNGI NAShR!
Inson – oʻz holicha hech kim, hatto hech qanday kuch-qudratga ega emas. Uni jamiyatimizdagi eng kichik lekin qudratli birlik – Oila shakllantirdi. U Oila bagʻrida dunyoga keldi, maʼnan va jismonan ulgʻaydi. Ulgʻaygani sari koʻngil mulki tobora buyuklashdi – ota-ona, farzandlar, nevaralar jamligida Oilasi takomillashdi – katta Xonadon sohibiga aylandi. Xonadoni ostonasini hatlab, Mahallasiga mehr qoʻydi u! Bu mehr-muhabbat tafti buyuk kengliklarning dilga yaqin, huzurbaxsh havolari bilan qorishib ketganida Oila saltanati yanada buyuklashdi. Inson oʻz Oilasi timsolida – ona Vatanni kashf etdi.
Aslida ming-minglab Oilalarni bagʻrida jamlagan eng buyuk va yagona saltanatimiz – ona Vatanimiz – yagona Oilamizdir. Bizning Oilamiz uning bitta ildizi. Oila daraxtining koʻrkam, sersoya, sermeva rivoj topib, takomilga yetishi, avvalo ildizlarning sogʻlom va baquvvatligiga bogʻliq. Toki bu ildizlar teran va baquvvat ekan, Vatan barq urib gullayveradi.
Azizlar, "Taraqqiyot koʻzgusi” gazetasining ilova nashri - "Mening oilam” gazetasi barchamizning oilamizga xos maʼnaviy-maʼrifiy, ijtimoiy va tarbiyaviy masalalarda bahs etuvchi, barchamizning koʻnglimizga yaqin suhbatdosh. Biz ushbu nashrni yorugʻlikka chiqarishda har bir insonning qalb ardogʻiga aylangan Oiladek goʻzal goʻshaning ona-Vatan bilan tutash maʼnaviy hayot mezonlaridan, qalb ardogʻimizga aylangan mohiyatlardan turib soʻz aytmoqqa chogʻlandik. Uning sahifalarida elimizga xos goʻzal urf-odat va boqiy qadriyatlar, anʼanalar, oʻzbekona tutumlar eng muhimi, Oʻzimiz - Men, Siz, U, Ular bormiz. Zero, istiqloldan obod yurtimizda bir-biriga begona inson yoʻq. Barchamiz bir Oila – Oʻzbekiston farzandlarimiz.
Keling, azizlar, Oilamiz bagʻrini obod etmoq, uni baxt-saodat qoʻrgʻoniga aylantirib, farzandlarimizni barkamol insonlar qilib tarbiyalamoq sari qoʻygan, qoʻyayotgan har bir ezgu qadamimizni barchamiz birga baham kuraylik. Ezgu ishlarimiz ila oʻzgalar dilida ozgina havas, hurmat va eʼtibor uygʻota olsak, demak, bizning Oilamiz ona Vatan ichra ildizi teran sermeva, sersoya daraxtga aylanayotir. Maqsad – shu daraxt omon boʻlsin, atrofida yosh, barkamol nihollar unsin, Vatanda eng soʻlim boqqa aylansin. "Mening oilam” – Mening, Sizning, Uning, Ularning – Oʻzbekning Oilalaridan soʻz aytguvchi aziz suhbatdoshga aylansin!.
Barchangizning Oilalaringizga yangi nashr – yangi suhbatdosh qutlugʻ boʻlsin, azizlar!
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
