KOPONAVIPUSDAN VAHIMAGA TUShMASDAN VAQTINGIZNI FAPZANDINGIZ BILAN OʻTKAZING, BU SIZGA XUSh KAYFIYaT BAXSh ETADI

Butun dunyoni sarosimaga solgan COVID-19 infektsiyasi bizning Pespublikamizni ham chetlab oʻtmadi. Ilk bor bu kasallik mamlakatimizda 2020-yil 15-mart kuni qayd etildi va Pespublikamiz boʻylab karantin eʼlon qilindi. Karantindan asosiy maqsad kasallik tarqalishining oldini olish, keng tarqalmasligiga erishishdir.

Karantin soʻzi italyancha «Quarantena» soʻzidan olingan boʻlib “qirq kecha, qirq  kunduz” maʼnosini bildiradi va epidemiyaga qarshi cheklovchi tadbir hisoblanadi.

Pespublikamizda karantin eʼlon qilinganidan boshlab ijtimoiy tarmoqlarda har xil yolgʻon va yomon xabarlar tarqatuvchilar koʻpaydi.  Bu toifa odamlar falokat jarchilari hisoblanadi. Chunki ular yolgʻon va yomon xabarlarni toʻxtamasdan muntazam yetkazib, odamlarda vaziyat yaxshi yakunlanmaydigandek tasavvur uygʻotishadi. Bu holat odamlarda fobiya kelib chiqishiga sabab boʻlayapti.

Fobiya grek tilidan tarjima qilinganda “Qoʻrquv, vahima” maʼnosini bildiradi. Hozirgi  kunda  aholi  orasida “Verminofobiya” va “oxlofobiya” uchrayapti. “Verminofobiya” – bu virus va mikroblardan dahshatli darajada vahimaga tushishdir. “Oxlofobiya” esa odamlar yigʻilishidan oʻta xavfsirashdir. Fobiyalar odam asabiga kuchli taʼsir qilishi sababli, bir qator kasalliklar kelib chiqishiga sabab boʻladi.  Xalqimizda «Vahimaning oʻzi yarim kasallikdir» degan gap bor.

Shunday ekan  oʻzimizni oʻzimiz qoʻrqitib, fobiyaga uchrashimizga sababchi boʻlib qolmaylik. Shu bilan birga yuqorida aytib oʻtilgan falokat jarchilari boʻlmish fitnachilarning yolgʻon va yomon xabarlariga ishonmasdan karantin qoidalariga amal qilib uyda oʻtirishimiz shart.

Toʻgʻri, hozirgidek uyda oʻtirib koʻrmaganmiz. Har doim ish, oila va hayot tashvishlari bilan yugurib yurgan odamlar uchun bu biroz qiyin va zerikarli kechishi mumkin.  Lekin bu vaziyatdan unumli foydalanib, koʻtarinki kayfiyat paydo qilish ham, vahima-yu vasvasaga berilishdan saqlaydi. Koʻtarinki kayfiyatni sizga bolalaringiz beradi. Ular bilan birgalikda dars tayyorlang, milliy oʻyinlarimizning kelib chiqish tarixi bilan tanishtiring. Chunki ular milliy oʻyinlar ruhi bilan emas, kompyuter oʻyinlari bilan katta boʻlishmoqda. Ertaklar aytib bering. Ertak-terapiya bolalarning ruhiyatini ijobiy tomonga oʻzgartiradi, har doim yaxshilik qilish fikrida boʻladi. Oilaviy shashka va shaxmat oʻynang, aqlni  charxlaydi. Imkoningiz boricha birga rasm chizing, applikatsiya ishlarini qilishga yordam bering. Panglar bilan ishlagan bolaning tasavvuri keng boʻladi.  Kitob oʻqishini nazorat qiling, fikrlarini soʻrang, erkin fikrlashiga koʻmakchi boʻlasiz. Bu siz uchun  arzimagan narsa boʻlishi mumkin. Lekin bu farzandingiz uchun yorqin va shirin  xotira boʻlib qoladi. Karantin tugasa farzandlaringizga vaqt ajratolmay qolasiz.

Biz ham oilalarimiz bilan karantin vaqtidan unumli foydalanib, birgalikda vaqt oʻtkazayapmiz. Har kuni har xil oʻyin va mashgʻulotlardan foydalanib farzandlarimni ruhan va jismonan sogʻlom qilib tarbiyalashga harakat qilayapman. Farzandlarimiz bizning kelajagimizdir. Kelajagimizni asrash biz kattalarning burchidir. Burchimizni sidqidildan bajarib, karantinni vahimasiz yengishga harakat qilaylik.

Dilnoza Shomurodova,11-sonli maktab psixologi.

(Foto: http://xs.uz)