MADANIYaT VA SANʼAT SOHASIGA EʼTIBOP YaNADA OPTDI
Davlatimiz rahbari deyarli har bir uchrashuvlari, maʼruzalarida madaniyatimiz va sanʼatimizni rivojlantirish, sohada yechimini kutayotgan dolzarb muammolarga alohida toʻxtalishi bejiz emas. Zero, madaniyati ravnaq topgan va uni qadrlaydigan xalq hamisha hurmatga sazovor boʻladi.
Soʻnggi yillarda mamlakatimizda milliy madaniyatni yanada rivojlantirish, yangi Oʻzbekistonning yangi tarixini yaratish, moddiy va nomoddiy madaniy meros durdonalarini saqlash va targʻib etish, xalq ogʻzaki ijodiyoti va xavaskorlik sanʼatini yanada ommalashtirish, yoshlarni madaniyat va sanʼatga boʻlgan qiziqishlarini orttirishga katta eʼtibor qaratilmoqda.
Muhtaram Yurtboshimiz tomonidan joriy yil 26-may kuni “Madaniyat va sanʼat sohasining jamiyat hayotidagi oʻrni va taʼsirini yanada oshirish chora-tadbirlari toʻgʻrisida”gi Farmoni hamda “Oʻzbekiston Pespublikasi Madaniyat vazirligi faoliyatini takomillashtirish chora-tadbirlari toʻgʻrisida”gi Qarori tasdiqlandi.
Ushbu qaror barcha madaniyat xodimlariga dasturilamal desam mubolagʻa boʻlmaydi. Mazkur Farmon va Qarorni oʻqib, ochigʻi, juda xursand boʻldim. Ushbu hujjatlar orqali biz ijod ahliga juda katta gʻamxoʻrliklar va imkoniyatlar yaratilishi koʻzda tutilgan. Ayniqsa, biz uchun eng quvonarlisi, 15-aprel – “Oʻzbekiston Pespublikasi madaniyat va sanʼat xodimlari kuni” deb belgilangani boʻldi. Shu kunga qadar madaniyat va sanʼat sohasi xodimlarining alohida kuni belgilanmagan edi. Bu esa biz kabi soha xodimlarining qaddini koʻtarib, maʼnaviy kuch bagʻishladi.
Taʼkidlash joizki, uzoq yillardan buyon madaniyat va sanʼat sohasida muammo va masalalar yigʻilib qolgan edi. Mazkur Farmon va Qaror bilan ushbu muammolar toʻliq yechilishi belgilab berildi.
Madaniyat va sanʼat barcha davrlarda ham oʻz darajasini yoʻqotmagan. Iqtidorli quruvchi ajoyib imorat qursa, u xaqiqiy sanʼat asari hisoblanadi. Madaniyat va sanʼat arboblari, ijodkor ziyolilar millatning madaniy, maʼnaviy yuzidir. Aynan shu sabab madaniyat – millat oynasi, jamiyatning yuzi hisoblanadi. Har bir millat oʻz madaniyatini chuqur his qilmasa u qanotsiz qush kabidir.
Bizga sir emaski, bugungi kunda koʻplab yoshlarimiz gʻarb madaniyatining ayrim turlaridan andoza olayotgan bir paytda, ularni milliy qadriyatlarimizga mos boʻlgan holda tarbiyalash, oʻzligimizni anglatish, ular qalbida milliy meroslarimizga boʻlgan hurmat va ehtirom uygʻotish bosh vazifamizga kiradi.
Oʻzbekiston iqtisodiy jihatdan qudratli boʻlishi betakror madaniyat va qadriyatlarimizni chuqur his qiluvchi jamiyatni shakllantirishga toʻxtovsiz harakatda boʻlish har bir soha xodimining burchidir. Ayniqsa, bu borada madaniyat xodimlari yanada faol boʻlmogʻi kerak. Shunday sinovli kunlarda madaniyat sohasi xodimlarini ruxlantirgan mazkur Farmon va Qarorning qabul qilinishi barchamizning davlatimiz madaniyati va sanʼatini rivojlantirish yoʻlidagi maqsadimizga qanot boʻlib, oydin manzillar tomon shaxdam qadamlar qoʻyishga kuch bagʻishlaydi.
Mazkur hujjatlar bilan endilikda, 2020-yil 1-sentyabrdan davlat organlari va tashkilotlari tizimidagi madaniyat saroylari va boshqa muassasalarda toʻliq jonli ijro asosida oʻtkazilgan kontsert dasturlari uchun ijara toʻlovidan 50 foiz chegirma berish tartibi joriy etilishi haqiqiy sanʼat jonkuyarlari uchun yuksak moddiy va maʼnaviy ragʻbat boʻldi. Ayniqsa, sanʼatkor, ijodkor va ijrochilarning mualliflik huquqlarini himoya qilish palatasini tashkil etish tashabbusi ahli sanʼat borki, orzularimizga qanot bagʻishladi. Har bir hududda koʻchma tsirklar guruhlari, hayvonot bogʻlari tashkil etish, shuningdek, ommaviy tadbirlar oʻtkazish bilan bogʻliq ishlarning rahbarlikka olinishi yanada quvonarlidir.
Ushbu Farmon orqali bizga berilgan keng imkoniyatlar va imtiyozlardan oqilona foydalanib, kasbimizni yanada sevib-ardoqlashga, kuch-gʻayrat bilan koʻproq mehnat qilishga, sanʼat va madaniyatimizning hali ochilmagan qirralarini ham namoyon etishga intilib mehnat qilaveramiz.
Shuhrat YuSUPOV,
tuman Madaniyat boʻlimi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
