BITIRUVChILAR XUSUSIDA GʻAMXOʻRLIK
Kamolga yetib kelayotgan yosh avlodga gʻamxoʻrlik mamlakatimiz siyosatining ustuvor yoʻnalishlaridandir.
Xususan, kasb-hunar kollejlari bitiruvchilarini oʻzlarining egallagan ixtisosliklari boʻyicha ishga joylashtirishni taʼminlashga, ularni har tomonlama qoʻllab-quvvatlashga eʼtibor qaratilmoqda. Natijada mavjud oʻrta maxsus, kasb-hunar taʼlimi bitiruvchilarining bir qismi oliy oʻquv yurtlarida oʻqishni davom ettirayotgan boʻlsalar, ayrimlari mehnat faoliyatini boshlab yubordilar. Shuningdek, oʻz xususiy biznesini ochib, tadbirkorlik faoliyati bilan shugʻullanish istagida boʻlgan yoshlarga tijorat banklari tomonidan imtiyozli kreditlar ajratilmoqda. Shunga qaramasdan, oʻrta maxsus, kasb-hunar taʼlimi muassasalari bitiruvchilarini oʻz ixtisosliklari boʻyicha ishga joylashtirishda xato-kamchiliklarga yoʻl qoʻyilayotganligini inobatga olgan holda, Oʻzbekiston Respublikasi Vazirlar Mahkamasi shu yilning 10-martida "Kasb-hunar kollejlari bitiruvchilarini ishga joylashtirish tizimini yanada takomillashtirish boʻyicha qoʻshimcha chora-tadbirlar toʻgʻrisida” qaror qabul qildi.
Mazkur qarorga muvofiq endi avvalgidek bitiruvchilarni ishga joylashtirishda mehnat qonunchiligining buzilish hollariga, faqat hisobotlarda ishga joylashtirildi, deb qayd etilib, amalda bu oʻz tasdigʻini topmay qolishiga yoʻl qoʻyilmaydi. Endilikda bitiruvchilarni, keyinchalik egallagan kasblari boʻyicha ishga joylashtirishni nazarda tutgan holda, ishlab chiqarish amaliyotini oʻtash uchun aniq tashkilotlarga – ish beruvchilarga biriktirishga doir manzilli tadbirlar ijrosi taʼminlanishini tegishli Vazirliklar qatʼiy nazorat qilib boradi. Qaror mazmun-mohiyati oʻrta maxsus, kasb-hunar taʼlimi muassasalari bitiruvchilarining mehnat bozoriga dadillik bilan kirib kelishiga imkon yaratishi bilan ham juda ahamiyatlidir.
Maʼlumki bandligini taʼminlamay, foydali ishga jalb qilmay turib, yoshlardan jamiyatimiz hech qanday naf koʻrmaydi. Qolaversa, bekorchi, ishsiz yoshlar ichish, chekish kabi zararli illatlarga tez berilib ketayotgani ham hayotiy haqiqat. Shu maʼnoda olib qaraydigan boʻlsak, mazkur qaror bugungi kunimiz uchun juda dolzarbdir. Bu bizning, "Kamolot” YoIH tuman Kengashining yoshlarning bandligini taʼminlash, ularga munosib mehnat sharoitlari yaratish borasidagi maqsad-vazifalarimizga ham hamohangdir.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
