Парламент комиссиясининг навбатдаги йиғилиши ўтказилиши тўғрисида

2015 йил 30 ноябрь куни Ўзбекистон Республикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг навбатдаги йиғилиши ўтказилиши режалаштирилмоқда.

Йиғилишни ўтказишдан кўзланган мақсад – Жамоат фонди томонидан эълон қилинган 5- ва 6-грант танловлари натижаларини муҳокама қилиш ва якунларини эълон қилиш, келгусида жамиятда ижтимоий шерикчилик тамойилларини янада кучайтириш, мамлакатда демократик ислоҳотларни янада чуқурлаштириш ва фуқаролик жамиятини шакллантириш жараёнида ННТ, ОАВ ва фуқаролик жамиятининг бошқа  институтларининг ўрни ва аҳамиятини янада оширишдир.

1. Ўзбекистон Республикаси Конституцияси қабул қилинганининг 23 йиллик байрами арафасида Парламент комиссияситомонидан

- аҳолининг ҳуқуқий билимлари, ҳуқуқий маданияти ва онгини юксалтиришда фуқаролик жамияти институтларининг ролини кучайтириш;

- Ўзбекистон халқларининг маданий-тарихий меросини, мамлакатимизда мустақиллик йилларида жамият ҳаётининг турли соҳаларида эришилган ютуқларни оммалаштириш бўйича фуқаролик жамияти институтларининг лойиҳаларини қўллаб-қувватлаш мақсадида ўтказилган давлат гранти танловлари натижалари муҳокама қилиниб, якунларини эълон қилинади.

2. Йиғилишда шунингдек, жамиятда ижтимоий шерикчлик муносабатларини янада ривожлантириш мақсадида ҳудудий ННТлар Форуми, Ўзбекистон ННТларининг IV миллий Форуми ҳамда ижтимоий медиа-маҳсулотларнинг VII Миллий фестивалини ўтказиш бўйича ННТлар ассоциациялари  ва бирлашмалари, ОАВ ва фуқаролик жамияти бошқа институтлари раҳбарларининг ахборотлари тингланади.

Бу борада Ўзбекистон Республикаси Вазирлар Маҳкамаси, Халқ таълими вазирлиги ва Тошкент шаҳар ҳокимлиги ҳамда қатор давлат органлари, миллий ННТлар ва халқаро ташкилотларнинг ижтимоий шерикчилигида ўтказилаётган "Алоҳида парваришга муҳтож болаларнинг жамиятга мослашуви ва уларни ижтимоий муҳофаза қилиш” мавзусидаги Халқаро форумни ўтказиш ва молиявий қўллаб-қувватлаш масалалари ҳам муҳокама қилинади.

Йиғилишда 2015 йилда ажратилган давлат грантларини амалга оширишда ижтимоий шерикчиликни кучайтириш, шунингдек бу жарёнда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги ижтимоий шерикчилик бўйича Жамоат комиссияларининг фаоллигини янада ошириш бўйича жойларда мониторинг ўтказиш, консультатив ҳамда ҳуқуқий ёрдам кўрсатиш масаласи муҳокама қилинади ва бу бўйича жадвал тасдиқланади.

Жамоат фондининг

Ижро этувчи Девони