Parlament komissiyasining navbatdagi yigʻilishi oʻtkazilishi toʻgʻrisida
2015-yil 30-noyabr kuni Oʻzbekiston Respublikasi Oliy Majlisi huzuridagi Nodavlat notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasining navbatdagi yigʻilishi oʻtkazilishi rejalashtirilmoqda.
Yigʻilishni oʻtkazishdan koʻzlangan maqsad – Jamoat fondi tomonidan eʼlon qilingan 5- va 6-grant tanlovlari natijalarini muhokama qilish va yakunlarini eʼlon qilish, kelgusida jamiyatda ijtimoiy sherikchilik tamoyillarini yanada kuchaytirish, mamlakatda demokratik islohotlarni yanada chuqurlashtirish va fuqarolik jamiyatini shakllantirish jarayonida NNT, OAV va fuqarolik jamiyatining boshqa institutlarining oʻrni va ahamiyatini yanada oshirishdir.
1. Oʻzbekiston Respublikasi Konstitutsiyasi qabul qilinganining 23 yillik bayrami arafasida Parlament komissiyasitomonidan
- aholining huquqiy bilimlari, huquqiy madaniyati va ongini yuksaltirishda fuqarolik jamiyati institutlarining rolini kuchaytirish;
- Oʻzbekiston xalqlarining madaniy-tarixiy merosini, mamlakatimizda mustaqillik yillarida jamiyat hayotining turli sohalarida erishilgan yutuqlarni ommalashtirish boʻyicha fuqarolik jamiyati institutlarining loyihalarini qoʻllab-quvvatlash maqsadida oʻtkazilgan davlat granti tanlovlari natijalari muhokama qilinib, yakunlarini eʼlon qilinadi.
2. Yigʻilishda shuningdek, jamiyatda ijtimoiy sherikchlik munosabatlarini yanada rivojlantirish maqsadida hududiy NNTlar Forumi, Oʻzbekiston NNTlarining IV milliy Forumi hamda ijtimoiy media-mahsulotlarning VII Milliy festivalini oʻtkazish boʻyicha NNTlar assotsiatsiyalari va birlashmalari, OAV va fuqarolik jamiyati boshqa institutlari rahbarlarining axborotlari tinglanadi.
Bu borada Oʻzbekiston Respublikasi Vazirlar Mahkamasi, Xalq taʼlimi vazirligi va Toshkent shahar hokimligi hamda qator davlat organlari, milliy NNTlar va xalqaro tashkilotlarning ijtimoiy sherikchiligida oʻtkazilayotgan "Alohida parvarishga muhtoj bolalarning jamiyatga moslashuvi va ularni ijtimoiy muhofaza qilish” mavzusidagi Xalqaro forumni oʻtkazish va moliyaviy qoʻllab-quvvatlash masalalari ham muhokama qilinadi.
Yigʻilishda 2015-yilda ajratilgan davlat grantlarini amalga oshirishda ijtimoiy sherikchilikni kuchaytirish, shuningdek bu jaryonda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi ijtimoiy sherikchilik boʻyicha Jamoat komissiyalarining faolligini yanada oshirish boʻyicha joylarda monitoring oʻtkazish, konsultativ hamda huquqiy yordam koʻrsatish masalasi muhokama qilinadi va bu boʻyicha jadval tasdiqlanadi.
Jamoat fondining
Ijro etuvchi Devoni
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
