“СЕКТОР РАҲБАРЛАРИ ВА ЁШЛАР” УЧРАШУВИ ТАШКИЛ ЭТИЛДИ

Амударё туманининг Олмазор маҳалласидаги 82-сонли умумтаълим мактабида туман ҳокими Султонбой Йўлдашев раҳбарлигида Сектор раҳбарлари ва ёшлар учрашуви бўлиб ўтди.

Учрашувда туман Ички ишлар бўлими бошлиғи Улуғбек Худайберганов, туман Давлат солиқ инспекцияси бошлиғи Айдос Сеитов, туман ҳокими ўринбосари Маҳмуд Шерметов, тумандаги идора ва ташкилот раҳбарлари ҳамда фаол ёшлар иштирок этдилар.

Учрашув йиғилишида Ўзбекистон Республикаси Президенти Шавкат Мирзиёев томонидан 2019 йил 27 декабрь куни Муҳаммад Ал-Хоразмий номидаги ихтисослаштирилган мактабда ўтказилган учрашувда берилган топшириқлар ижросини таъминлаш мақсадида туманимиз ёшлари бандлигини таъминлаш, муаммоларини ўрганиш фикр ва таклифларини тинглаш, уларни қўллаб-қувватлаш, муносиб шарт-шароитлар яратиш бўйича ошкора ва самимий мулоқот муҳити яратилди.

Йиғилишни туман ҳокими, 1-сектор раҳбари Султонбой Йўлдашев  очди ва ўз нутқида мамлакатимизда ёшларнинг юксак марраларни эгаллашлари учун яратилаётган шарт-шароитлар, чексиз имкониятлар ҳақида тўхталиб, ёшларни ўқиб, билим олишга, шижоат билан олға интилишга ҳамда Ватан хизматига ярайдиган муносиб фарзанд бўлишга давъат қилди. Ҳар бир ёшни “Эришган ютуқларимиз ўзимизники, биз хато ва камчиликларни ўрганиб, уларни бартараф қилишга ҳаракат қилмоғимиз керак!” – деган эзгу  фикр билан яшашга чақирди. Шунингдек, билимга чанқоқ, изланувчан туманимиз ёшлари ҳақида ўзининг самимий фикр-мулоҳазларини билдирди.

Шундан сўнг, туман Давлат солиқ инспецияси бошлиғи Айдос Сеитов ҳозирги кунда туманимизда ёшлар, мактаб, коллеж ва олий таълим муассасалари битирувчилари билиши лозим бўлган солиқ турлари хусусида, шунингдек, ишлаб чиқариш ва  хизмат кўрсатиш соҳасида ёш тадбиркорлар сафини ошириш, янги иш ўринларини яратиш юзасидан ўз фикрларини билдирди.

Туман Ички ишлар бўлими бошлиғи Улуғбек Худойберганов туманимиз ёшлари, мактаб, коллеж ва олий таълим муассасалари битирувчилари ўртасида амалга оширилаётган жиноятчиликка қарши курашиш чора-тадбирлари, ёшлар ўртасида ҳуқуқбузарликларнинг олдини олиш мақсадида ташкил қилинаётган учрашувларнинг аҳамияти, ёшларнинг  бўш вақтларини мазмунли ўтказишга қаратилган тадбирларнинг самараси ҳақида ҳаётий мисоллар орқали тўхталиб ўтди.

Шундан сўнг, сектор раҳбарлари йиғилиш иштирокчилари ёшларнинг муаммолари ва таклифларини тингладилар. Ошкора мулоқот ва самимият раҳида ўтган учрашувда Бобур номли овул фуқаролар йиғинида яшовчи фуқаролар Беркбай Бегжанов, Озода Индирова, Мафтуна Янгибоева, Сурайё Тўлибоева, Малоҳат Давлетбоеваларнинг ўз мутахассисликлари бўйича ишга жойлашиш тўғрисидаги мурожаатлари, Тўлқин овул фуқаролар йиғинида яшовчи Акбар Болтабоев, Жахонгир Болтабоев, Нигора Бекчановаларнинг  ўз таъдбиркорлик фаолиятини йўлга қўйиш мақсадида имтиёзли кредит олишда амалий ёрдам беришни сўраб қилган мурожаатлари, Бештом маҳалласида яшовчи фуқаро Сафия Назаримбетованинг тадбиркорликни йўлга қўйиш мақсадида тикув машинаси олишда амалий ёрдам сўраб қилган мурожаати тингланди.

Бундан ташқари, Оқ олтин овулида яшовчи Акбар Ражапов субсидия асосида исиқхона қуриб беришда, Бўз ёп овулида яшовчи фуқаро Валибек Аминов овул ҳудудига замонавий спорт майдончасини ташкил қилишда амалий ёрдам сўраб қилган мурожаатлари, Чордара маҳалласида яшовчи фуқаро Динора Камолованинг туман маданият марказида чолғу асбобларини кўпайтириш ҳамда шунинг эвазига тўгарак машғулотларини ташкил қилиш бўйича таклифи ҳам масъуллар томонидан тингланиб, рўйхатга олинди.

Учрашуви кун тартибида кўрилган юқоридаги масалаларни белгиланган муддатда ва сифатли амалга ошириш юзасидан тегишли қарорлар қабул қилинди.

Робия ЙЎЛДОШЕВА.