КЎПРИК ВА ТЕМИР ЙЎЛ ҚУРИЛИШИ ХАЛҚИМИЗ УЧУН ҚУВОНЧЛИ ХУШХАБАР БЎЛДИ
Ўтган йили сентябрь ойида Мўйноқ туманида Муҳтарам Президентимиз билан учрашувда Амударё тумани аҳлига кўприк масаласи асосий муаммолардан бири эканлигини айтиб ўтган эдик. Эртаси куниёқ Президентимиз Амударё туманига кўприк ва темир йўл қурилиши ҳақидаги хабарни эълон қилдилар. Бу хабарни туман аҳли ғоят хурсанд бўлиб кутиб олишди. Мана бугун қурилиши бошланишининг гувоҳи бўлиб турибмиз.
Азизлар, мана шу аслида маънан эскирган понтон кўприк 1982 йилда олиб келиб ўрнатилган. Узунлиги 305 метр.
Бугунги янги қурилиши режалаштирилган кўприк 413 метр узунликда бўлаётгани, автотранспорт ва темир йўл учун мўлжалланганлиги жуда қувонарлидир.
Шариатимизда амаллар ниятларга боғлиқдир, дейилади.
Бу кўприкни мамлакатимиз, хусусан, Амударё элининг фаровонлигига хизмат қилишини муҳтарам Президентимиз ният қилган эдилар. Биз ана шу ниятнинг амалга ошиши учун қўйилган биринчи қадамга гувоҳ бўлиб турибмиз. Қиш бўлишига қарамасдан Амударё халқининг бугунги кайфияти баҳорийдир. Бу хабарни эшитган нуронийларимиз Аллоҳга беҳисоб шукроналар айтиб, юртимиз тинчлиги учун дуо қилмоқдалар.
Яна бир марта қилинган яхши ниятларимизни Аллоҳ ўзи қўлласин, деймиз. Қурилишни бошлашга шай бўлиб турган қурувчиларга Яратганнинг ўзи мададкор бўлсин!
Азизлар, шу фурсатдан фойдаланиб, барчангизни кириб келаётган янги 2021 йил билан самимий қутлайман. Янги йилда хонадонларингизда тинчлик, хотиржамлик ва омонлик бўлишини тилайман.
Бекман АЛЛАБЕРГАНОВ, нуроний.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
