UMPNING NUPAFShON MANZILI

Shinam, ozoda, bogʻ-rogʻlar ogʻushidagi hovli. Baland boʻy-teraklar, gul-u gulzorlar, hatto shundoq hovli yaqinidagi qiygʻos ochilib yotgan paxtazor – hammasi goʻzal, kishiga zavq bagʻishlaydi, dilda havas uygʻotadi. Bu– Ismoil hoji xonadoni.

Bizning dilimizda havas uygʻotgan Ismoil hoji ota Toʻrayev va u kishining rafiqalari Xonimjon hoji ona Toʻrayevalarning katta xonadonidan ildiz otib, el-yurtga kamarbasta boʻlishga ulgurgan besh nafar oʻgʻil-qizlar tuzgan oila gulshanlari nafaqat Arna boʻyi mahallasida, balki tumanimizda ham koʻplarning eʼtibori va hurmatiga munosib.

Ismoil hoji Toʻrayev oʻz umrining salkam 50-yilini tumanimiz qishloq xoʻjaligini rivojlantirish, sugʻorish tarmoqlari holatini yaxshilash, ayniqsa, ekinzorlar tuproq sharoitini meliorativ jihatdan sogʻlomlashtirish, dehqonchilik madaniyatini yuksaltirishdek masʼuliyatli vazifalarga bagʻishladi.

Tumanimiz iqtisodiyotidagi yirik soha – irrigatsiya tizimiga koʻp yillar rahbarlik qildi.

– Tumanimizning sugʻoriladigan yer maydonlarini zarur paytlarda suv bilan taʼminlash hech qachon oson boʻlmagan, – oʻzi rahbarlik qilgan soha faoliyati haqida hikoya qiladi Ismoil hoji Toʻrayev. – Shunday paytlar boʻlardiki, hududlar boʻyicha miroblarimiz bilan birgalikda kun-u tun boʻyi kanallar yoqalab yurishimizga toʻgʻri kelardi.

Ana shunday masʼuliyatli vazifalarni ado etish jarayonlarida miroblar bilan yonma-yon suv yoqalab, horib-tolib oilasi bagʻriga qaytgan Ismoil ogʻani umr yoʻldoshi Xonimjon opa issiq mehr, samimiyat bilan kutib olardi. Er-xotin oʻrtasidagi bu samimiyat, oʻzaro mehr-oqibat farzandlar qalbini ziynatladi. Biri-biridan aqlli, bilimdon oʻgʻil-qizlar voyaga yetdi bu oilada. Ular ulgʻaygan sari Ismoil ogʻa bilan Xonimjon opaning orzu-umidlari ulgʻaydi.

Habibaxon tuman Tibbiyot birlashmasida malakali akusher-ginekolog, Bahromjon tadbirkor, Ilhomjon – fermer, Pavshanbek Pespublika shoshilinch tez tibbiy yordam ilmiy markazi Nukus filiali shifokori, Dilafroʻz 18-sonli maktabda ingliz tili fanidan saboq beradi.

Toshkent Tibbiyot akademiyasini muvaffaqiyatli tugatgan Habibaxon opasining izidan borib oliy maʼlumotli, yetuk shifokor darajasiga erishgan Pavshanbek, fermer va tadbirkor oʻgʻillari Bahromjon va Ilhomjon, yoshlarning sevimli ustozi Dilafroʻz, kelinlari – nevropatolog-shifokor Paʼnoxon, oʻzi ham, muomalasi ham dilbar kelin Dilbarxonlar bugun Ismoil hoji ota va Xonimjon hoji onalarning orzu-umidlarini amalga oshirayotgan tolmas qanotlari.

Besh nafar farzandi bugun 10 nafarga, nevaralari 12 nafarga yetib, Arna boʻyi mahallasining eng ibratli xonadon sohibi va sohibasiga aylangan Xonimjon hoji va Ismoil hoji Toʻrayevlar oʻz umrlarining eng yorugʻ, nurafshon manzilida muborak Kaʼbatullohni ziyorat etib, hojilik martabasiga yetishdilar.

– Shunday baxtga yetkazganiga shukur, – deydi Ismoil hoji ota mamnuniyat bilan. – Prezidentimizga, davlatimizning beqiyos gʻamxoʻrligiga ming-ming rahmat. Bizning haj amallarini ado etishimizda umuman hech qanday muammo boʻlmadi. Hojilar uchun yaratilgan sharoitlar, hatto kuzatish, kutib olish marosimlari insoniylikning goʻzal fazilatlari ila mehr-oqibat, oʻzaro hurmat asosida boʻldi. 1-sentyabr – Oʻzbekiston mustaqilligi bayramini biz muqaddas Makka shahrida nishonladik, butun dunyo musulmonlari, garchi koʻplarining tillarini tushunmasak-da, ular bizni eng ulugʻ, eng aziz bayramimiz bilan tabriklashdi.

Bugun Ismoil hoji ota va Xonimjon hoji onalarning xonadoni yanada fayzga toʻlgan. Yor-u doʻstlar, qavm-qarindoshlarning qadami uzilmaydi bu xonadondan.

– Fermer oʻgʻlimning dalalarida yigʻim-terim mavsumi boshlandi, –deydi quvonch bilan Xonimjon hoji ona shundoq tomorqa yeriga tutash paxtazorni oralarkan. – Mana shu uch gektarlik paxta dalasini Ismoil ogʻangiz bilan ikkalamiz parvarishlaymiz. Begona oʻtlardan tozalash, yaganalash, sugʻorish, hatto chilpish ishlarini ham oʻzimiz bajaramiz. Axir paxta – boyligimiz, bu boylikni biz – xalq yaratamiz, qoʻlimiz tegsin, deymiz-da.

– Otam bilan onam duo qilib tursalar, marramiz hamisha baland boʻladi, – deyishadi oʻylashib olishganday Bahromjon bilan Ilhomjon.

“Ota-onam duo qilib tursalar”... Bu – farzandlar koʻnglidagi samimiyat, koʻnglida muhrlangan orzu, umid. Biri-biriga talpinib, biri-birining koʻngliga mehr nurlarini yoʻgʻirib yashaguvchi bu xonadonda biz insoniylikning ulugʻvor sifati – mehr-oqibat daraxti gurkirab oʻsayotganiga guvoh boʻldik, Ismoil hoji ota va Xonimjon hoji onalarning nurafshon va obod, fayziyob umr manziliga havas qildik. Hoji otaxon va hoji onaxon duoga qoʻl ochdilar:

– Ilohim, barchaga ana shunday keksalikning gasht-u sururi nasib etsin!

Pobiya YOʻLDOShEVA.