“Jayhun moʻʼjizasi” anʼnaviy sahna tsirk xalq jamoasi xalqimizga bayram tomoshalarini namoyish etmoqda
Mamlakatimiz mustaqilligining 28 yilligi nishonlanadigan kun ham tobora yaqinlashmoqda. Bu bayramni munosib tarzda kutib olish va nishonlashga qizgʻin hozirlik koʻrilayotgan shu kunlarda tuman Madaniyat boʻlimiga qarashli “Jayhun moʻʼjizasi” anʼanaviy sahna tsirk xalq jamoasi aʼzolari ham milliy sanʼatimizning durdona turi hisoblanmish sahna tsirk va dorboz oʻyinlarining maxsus bayram dasturi bilan xalqimizni xushnud etmoqda.
Badiiy rahbari xushovoz xonanda Komiljon Boltaboyev, musiqa rahbari Bahrom Sultonovlar yetakchiligidagi ahil jamoa mahoratli aʼzolari Botir Sultonov, Noʻʼmonjon Ismoilov, Murodjon Shukurlayev, Rashid Sultonov, Hasan, Husan Toʻlayevlar yurtdoshlarimizni har kuni oʻzlarining ajoyib chiqishlari bilan xursand qilishayapti.
Ular ayni kunda Qipchoq shaharcha hududidagi Dehqon bozori oldida dor tikib, xalqimizga oʻzlarining tomoshalarini taqdim etishayapti.
- Xalqimizning sanʼatga qiziqishi yuqori va iqtidorli sanʼatkorlarni eʼzozlashi azal-azaldan maʼlum. Biz mamlakatimiz mustaqilligining 28 yilligi oldidan bayramga bagʻishlangan maxsus dasturimizni joylarda namoyish qilganimizda buni ayniqsa, yaqqol his qilayapmiz, - deydi “Jayhun moʻʼjizasi” anʼanaviy sahna tsirk xalq jamoasi badiiy rahbari Komiljon Boltaboyev.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
