IJTIMOIY NAFAQALAP TAYINLAShDAGI YaNGILIKLAP

Oʻzbekiston Pespublikasini rivojlantirishning Harakatlar strategiyasidagi ustuvor yoʻnalishlardan biri bu - ijtimoiy sohani rivojlantirishdir.

Qolaversa, keksa avlod vakillariga boʻlgan eʼtibor, ularni har tomonlama ijtimoiy va iqtisodiy qoʻllab-quvvatlash doimo davlatimiz diqqat markazida turibdi. Moliya Vazirligi huzuridagi byudjetdan tashqari Pensiya jamgʻarmasi Amudaryo tuman boʻlimida  ham bu borada bir qancha samarali ishlar amalga oshirilmoqda Tumanimizda  2020-yil 1-iyun holatiga jami pensiya, ijtimoiy nafaqa oluvchi pensiyanerlar 22845 nafarni tashkil etgan boʻlsa, shundan yoshga doir pensiya oluvchilar 16920 nafar, nogironlik boʻyicha pensiya oluvchilar 2500 nafar, boquvchisini yoʻqotganlik pensiyasi oluvchilar 994 nafarni, pensiya tayinlash uchun zarur ish stajiga ega boʻlmagan qariyalarga va boquvchisini yoʻqotganlar uchun ijtimoiy nafaqalar oluvchilar 2431 nafarni tashkil yetdi. Farzandli boʻlganda yoki biror yaqinidan  ayrilganda beriladigan bir martalik  ijtimoiy nafaqa ham ana shu gʻamxoʻrlik namunasidir.

   Ammo shu kungacha ushbu mablagʻlarni olishda  bir qator ovoragarchiliklar odamlarga qator noqulayliklarni  tugʻdirardi. Shu bois sohaga raqamli texnologiyalar keng tatbiq etilmoqda. Xususan Xukumatning 2020-yil 23-maydagi «Aholini ijtimoiy himoya qilish sohasida davlat xizmatlari koʻrsatishning ayrim maʼmuriy  reglamentlarini tasdiqlash toʻgʻrisida»gi   qarori  bilan bu ovaragarchiliklarga chek koʻyildi. Qarorga muvofiq joriy yilning iyun oyidan boshlab fuqoralar tugʻilganlik yoki vafot etganlik holatini Davlat xizmatlari markazlari DXMda roʻyxatdan oʻtkazish jarayonida huddi shu voqealiklar  uchun nafaqa olishga ham ariza berishi mumkin. Yaʼni endilikda suyunchi puli va Dafn nafaqalari DXMlarida rasmiylashtiriladi. Avvalgi tartib boʻyicha fuqoralar  nafaqa pullarini olish uchun uzlari faoliyat yuritayotgan tashkilotlarga kerakli hujjatlarni ilova qilgan holda murojaat qilardi. Ular esa joriy  oy  uchun nafaqa va boshqa toʻlovlarni qoplashga  talabnomalarni Pensiya  jamgʻarmasiga  keyingi oyning 10 sanasiga  qadar taqdim etardi. Har  yili  oʻrtacha  800-900 ming  nafar  fuqaroning Pensiya jamgʻarmasiga yoki ish joyiga  murojaat qilish bilan bogʻliq holatlar kuzatilar edi. Endi esa bu ovaragarchiliklarga chek  qoʻyildi. Ushbu qarorga  muvofiq endi barcha ishlovchi yoki ishlamaydigan  fuqarolar  «suyunchi»  puli  va dafn  marosimi uchun nafaqalarni olish maqsadida DXMga kelgan holda yoki Yagona  interaktiv davlat xizmatlari portali (YaIDXP) orqali elektron  shaklda  murojaat  qilishi mumkin. Bunda avtomatik tarzda Pensiya jamgʻarmasi bilan maʼlumot almashilib, murojaatning qisqa fursatlarda  qondirilishi taʼminlanadi.

Hujjat bilan nafaqat tartib oʻzgardi, balki nafaqani tayinlash talablari ham soddalashtirildi. DXMga murojaat qilinganda fuqarodan ortiqcha hujjatlar  talab qilinmaydi.

Oybek Jumanov, Byudjetdan tashqari

pensiya jamgʻarmasi tuman boʻlimi boshligʻi.